Pirotexnika quralları sawdası menen nızamsız shuǵıllanıw mámleketimizdiń ámeldegi nızamları menen qadaǵan etilgen.
Biraq ayrım puqaralar bile tura, usı is arqalı payda tabıwǵa urınbaqta.
Jınayat isleri boyınsha Shomanay rayonı sudı tárepinen usı jıldıń 27 dekabr kúni puqara I.T qarsısına Ózbekstan Respublikası hákimshilik juwapkershilik haqqındaǵı kodeksiniń 185/1-statyası menen hákimshilik is kórip shıǵıldı.
Kodekste Pirotexnika buyımların nızamǵa qayshı túrde islep shıǵarıw, tayarlaw, saqlaw, tasıw, jónetiw, olardan paydalanıw, jáne de olardı nızamǵa qayshı túrde Ózbekstan Respubublikasına alıp kiriw yáki ótkeriw–huqıqbuzarlıq dálillerin konfiskaciya qılıp, bazalıq esaplaw muǵdarınıń bes esesinen jigirma bes esesine shekem muǵdarda jarima salıwǵa sebep boladı.
Sud procesi dawamında puqar I.T ózine qoyılǵan ayıptı tán alıp oǵan qarata Ózbekstan Respublikası hákimshilik juwapkershilik haqqındaǵı kodeksiniń 185/1-statyası sheńberinde tiysli shara kórildi.

Jınayat isleri boyınsha
Shomanay rayonı sudı baslıǵı R.Nazarov