Búgin Shomanay rayonında Mádeniyat sarayınıń jańa zamanǵa say, barlıq qolaylıqlarǵa iye jańalanǵan imáratınıń ashılıw saltanatı bolıp ótti.

Ashılıw saltnatına Qaraqalpaqstan Respublikası Oraylıq saylaw komissiyasınıń baslıǵı Ernazar Matekeevich Djumanazarov, Qaraqalpaqstan Respublikası Ministrler Keńesi Baslıǵınıń orınbasarı Rasul Polatovich Zarekeev, Qaraqalpaqstan Respublikası Mádeniyat ministri Qalbay Abievich Turdiev, Shomanay rayonı hákimi Baxadir Yangibaev, sektor baslıqları, rayon hákiminiń orınbasarları, huqıq qorǵaw uyımları basshıları, rayonlıq mákeme, kárxana, shólkem basshıları, puqaralardıń ózin-ózi basqarıw uyımları basshıları, nuranıylar, ǵalaba xabar quralları xızmetkerleri sonday-aq, bir qatar jaslar qatnastı.

Húrmetli Prezidentimiz tárepinen 2018-jıl 28-noyabrde qabıl etilgen PQ-4038-sanlı “Ózbekstan Respublikasında milliy mádeniyattı elede rawajlandırıw koncepciyasın tastıyıqlaw haqqında” ǵı qararına muwapıq respublikamızda xalıqtıń mádeniy dem alıw sıpatın jaqsılaw maqsetinde mádniyat xızmetkerlerine qolaylı shart-sharayatlar jaratıp beriw maqsetinde “Mádeniyat saray”larında qurılıs ońlaw jumısların ámelge asırıw belgilengen edi. Usı qarar tiykarında rayonlıq Mádeniyat sarayı kapital ońlaw jumısları ushın 4 mlrd. 200 mln.sum qarjılar ajıratılıp, “Asqar-akfa” juwapkershiligi sheklengen jámiyetiniń qurılısshıları tárepinen kapital ońlaw jumısları alıp barıldı hám paydalanıwǵa tapsırıldı.

Shomanay rayonı hákimligi málimleme xızmeti