Jańalanıp paydalanıwǵa tapsırılǵan Mádeniyat sarayında Ózbekstan Respublikası Konstituciyasınıń otız jıllıq bayramı múnásibeti menen bayram keshesi ótkerildi.

Bayram keshesine Qaraqalpaqstan Respublikası Oraylıq saylaw komissiyasınıń baslıǵı Ernazar Matekeevich Djumanazarov, Qaraqalpaqstan Respublikası Ministrler Keńesi Baslıǵınıń orınbasarı Rasul Polatovich Zarekeev, Qaraqalpaqstan Respublikası Mádeniyat ministri Qalbay Abievich Turdiev, sektor baslıqları, huqıq qorǵaw uyımları, mákeme-kárxana hám shólkem baslıqları qatnastı.

Bayram keshesin Shomanay rayonı hákimi qutlıqlaw sózi menen baslap berdi.

Soń Shomanay rayonı Prokurorı M.Orazbaev, Shayır Q.Nawrızov hám belsendi jas R.Reymbergenovalardıń konstituciyaǵa arnalǵan bayanatları tıńlandı.

Ózbekstan Respublikası Prezidenti Shavkat Miromonovich Mirziyoev Konstitucciya qabıl etilgenliginiń 30 jıl tolıwı múnásibeti menen 2022-jıl 8-noyabrde «Ózbekstan Konstitciyasınıń 30 jıllıǵı estelik belgisin shólkemlestiriw» haqqında PF-243-sanlı Parmanı qabıl etilgen edi. Usı Parmanǵa muwapıq elimizdi social-ekonomikalıq rawajlandırıwda pidákarana xızmet kórsetip kiyatırǵan, xalıq arasında húrmet itibarǵa iye bolǵan bir qatar rayon pidayıları «Ózbekstan Konstitciyasınıń 30 jıllıǵı» estelik belgisi menen sıylıqlandı.

Bayram Mádeniyat bѳlimi xızmetkerleri tárepinen tayarlanǵan koncert baǵdarlaması menen dawam etti.

Shomanay rayonı hakimligi málimleme xızmeti