2022-jıl 6–dekabr kúni Shomanay rayonı J.Bazarov atındaǵı 13-sanlı Balalar muzika hám kórkem-óner mektebinde Shańaraq hám hayal-qızlar bólimi tárepinen akciya shólkemlestirildi.
Mehir akciyasına Qaraqalpaqstan Respublikası Shańaraq hám hayal-qızlar komiteti baslıǵı M.Axmedova, rayonlıq mákeme hám shólkem basshıları, awıl hám mákan puqaralar jıyınlarınıń hayal-qızlar belsendileri, «Órnekli hayallar» háreketi aǵzaları belsendi qatnastı.

Akciyada azıq-awqat ónimleri, kiyim-kenshekler, asxana buyımları, kórpeler hám gilem kelip tústi.
Monshaqlı MPJdaǵı «Temir dápter» diziminde turıwshı S.Arzımova shańaraǵınan xabar alıp, ısıtıw úskenesi, kórpe, azıq-awqat ónimleri berildi. Shańaraqqa otıratuǵın ornına gilem alıp beriw hám de awqatlanatuǵın stolınıń nasaz tuyaqların islep beriw boyınsha, sonday-aq” máhálleniń hayal-qızlar belsendisi Sh.Yakupovaǵa tez-tezden S.Arzımova halınan xabar alıp turıw tapsırıldı.
Kún ısıǵannan keyin jayın shiferlawdı túsindirdi.

Nawrız MPJ aymaǵında bolsa, Jumabaev Quwanıshbaydıń shańaraǵınan xabar alınıp, ózi hám kelinshegi Atajanova Nilufar ekewi de 1-topar mayıbı. Sóylew hám esitiw qábiletine iye emes, 2 perzenti bar. Shańaraqqa azıq-awqat ónimleri, perzentlerine qısqı kiyim, asxana buyımları hám kórpe berildi. Shańaraqqa televizor, gaz plita, qol juwıw úskenesi alıp beriw tapsırıldı. Kún ısıǵannan keyin jayın shiferlawın hám eki jayın pollap beriwdi bildirdi.
Mádeniyat MPJ aymaǵındaǵı Atamuratova Jeńisgúldiń shańaraǵında J.Atamuratovaǵa azıq-awqat ónimleri, tefal chaynik, kórpe berildi. M.Axmedova óz esabınan 1 mln. swm aqshalay sawǵa berdi. J.Atamuratova óziniń jumıssız ekenligin bildirip, M.Axmedova qısqı máwsimde jumıs tabıw qıyın ekenligin, ózi hár ay dawamında 1 mln.swmnan berip turıwın, bunıń ushın perzentine jaqsı qarap, jaqsı oqıwın támiynlewin túsindirdi. Sonday-aq, MPJ baslıǵı Q.Seytjanovqa shańaraqqa gaz tartıp beriwdi shólkemlestiriwdi, úydiń sırtqı hám ishki esik hám aynaların almastırıwdı tapsırdı. Atamuratova Jeńisgul 2 perzenti bar. 1993 jılı tuwılǵan perzenti Esemuratov Amanbay Sharafat ulı tuwma mayıp. Házirgi kúnde Shımbay miriwbet úyinde. 2009-jılı tuwılǵan perzenti Zaripbaev Azamat Kuralbay ulı 1-sanlı mekteptiń 7-klass oqıwshısı. Shańaraqta házirgi kúnde ekinshi perzenti menen birge jasaydı.
Mamıy APJda jasawshı Qalmuratov Zaripbay shańaraǵınan xabar alıp, úy iyesi hám ómirlik joldası Xojamuratova Shiyrin jumıssız. 5 perzenti bar .Sonnan eki perzenti nágiran. M.Axmedova ózi esabınan 500 mıń swm naq pul járdem kórsetti. Akciyaǵa túsken zatlardan pechka, kórpe, azıq-awkat, perzentine bas kiyim berildi.
Qarabaylı MPJda jasawshı Auezmetov Alimbek hám Tajimuratova Gawxarlardıń shańaraǵınan xabar alındı. Auezmetov Alimbek jumıssız, Tajimuratova Gawxar 2 topar mayıbı, úsh perzenti bar sonnan eki perzenti tuwma nágiran. Shańaraqqa azıq-awqat ónimleri, gilem, perzentlerine kiyim kenshek berildi. M.Axmedova óz esabınan Tajimuratova Gawxarǵa qısqı kiyim kurtka alıp berdi hám perzentlerine qısqı kiyim, kórpeler alıp beriw hám shańaraqtıń katelın islep beriw boyınsha tapsırmalar berildi.
Shomanay rayonı hákimligi málimleme xızmeti.