Shańaraq hám hayal-qızlar bólimi tárepinen 2022-jıldıń 15-noyabr kúninen 15-dekabr kúnleri aralıǵında “Jaslardı shańaraqlıq dáwirge tayarlaw hám milliy qádiriyatlardı bekkemlew” boyınsha úgit-násiyatlaw aylıǵı belgilengen. Úgit-násiyatlaw aylıǵı sheńberinde bir-qatar úgit-násiyat jumısları alıp barılmaqta. Búgingi kúnde Shomanay rayonında 9897 den artıq shańaraqlar bar.

Jámiyetimizdegi awır jaǵdaylardan biri shańaraqlıq ajırasıwlar bolıp, ajırasıwlardıń aldıń alıwdan burın jaslardı shańaraqqa tayarlaw boyınsha jumıslardı ele de janlandırıw zárúr. Shomanay rayonında “Jaslardı shańaraqlıq dáwirge tayarlaw hám milliy qádiriyatlardı bekkemlew” atamasında seminar shólkemlestirildi. Seminarǵa QR IIM huqıqbuzarlıqlar profilaktikası basqarması inspektorı mayor B.Nurullaeva, Qaraqalpaqstan Respublikası Shańaraq hám hayal-qızlar komiteti shańaraqlıq, ruwxıy ádep-ikramlıq qádiriyatlardı bekkemlew boyınsha bas qánigesi B.Jaqsımuratova, Máhálle hám nuranıylardı qollap-quwatlaw ministrligi nuranıy hám kekselerdi qollap-quwatlaw, olardıń sociallıq belsendiligin rawajlandırıw boyınsha bas qánigesi J.Seydalieva, rayonlıq PXAJ

bólimi, Jaslar agentligi, medicina birlespesi, puqaralar jıyınlarındaǵı hayal-qızlar belsendileri, ǴXQ wákilleri hám jaslar qatnastı.

Seminar dawamında jaslarǵa tiyisli túsinikler berilip, taraw qánigeleri tárepinen ózleriniń qızıqtırǵan sorawlarına juwaplar aldı.

Shomanay rayonı hákimligi málimleme xızmeti