Húrmetli Prezidentimizdiń 2022-jıl 22-23-fevral kúnleri Qaraqalpaqstan Respublikasına xızmeti saparı dawamında Qaraqalpaqstan Respublikasındaǵı qala hám rayonlardıń social-ekanomikalıq jaqtan rawajlanıwın elede jetilistiriw maqsetinde Ózbekstan Respublikasındaǵı wálayatlardı qala hám rayonlarımızǵa qáwenderlik retinde belgilep bergen edi.

Usı tapsırma tiykarında Shomanay rayonına Xorezm wálayatı hákimligi biriktirildi.
Xorezm wálayatı hám rayon hákimligi menen birgelikte rayonımızdıń social-ekanomikalıq jaqtan rawajlanıwın elede jetilistiriw maqsetinde islep shıǵılǵan dástúrge tiykar rayonımızda Xorezm wálayatı hákimligi tárepinen bir qansha jumıslar ámelge asırıldı.
Atap aytqanda usı «Birleshik» awıl puqaralar jıyını aymaǵınan Xorezm wálayatınıń 1,5 mlrd. sum qarjıları esabınan 60 orınlı mektepke shekemgi bilimlendiriw shólkemi imáratı qurıp pitkerilidi hám saltanatlı ashılıw máresimi ótkerildi.

Ashılıw saltanatında Qaraqalpaqstan Respublikası Ministrler Keńesi Baslıǵı Q.Sariev, Xorezm wálayatı hákimi F.Ermanov, Shomanay rayonı hákimi B.Yangibaevlar shıǵıp sóylep, jańa mektepke shekemgi bilimlendiriw shólkeminde tárbiyalanǵan balalardıń keleshekte bilimli, aqıllı hám elimiz ushın iygilikli islerdi isleytuǵın márt jigit-qızlar bolıp jetilisiwine óz tileklerin bildirdi.

Soń jańa imárattıń lentaları kesilip, balalarǵa jaratılǵan shárt-sharayatlar menen tanısıp shıqtı.
Tárbiyalanıwshılar kelgen miymanlarǵa óz quwanısh sezimlerin qosıq hám oyınları arqalı jetkerip berdi.

Shomanay rayonı hákimligi málimleme xızmeti.