Jas ósip kiyatırǵan oqıwshılardı watanǵa muhabbat, úrp-ádet dástúrlerimizdi ele de qásterlew, milliy qádiriyatlarımızǵa húrmet ruwxında , jat illetlerdiń aldın alıw , hár-bir insanda miyrimlilik sezimlerin sanasına sińdirip barıw, keń peyil bolıw túsinikleri berilmekte.

Muratbay Nızanovtıń “Qaraqalpaqlar” kitabı tiykarında Ótmishtegi qaraqalpaq xalqınıń kásip kárleri, milliy taǵamları, kásip iyeleri boyınsha úyrenip shıǵıp hám onı qaharmanımızǵa kórsetiw maqsetinde búgin “Talantlıǵa nur jawar” atamasında ushırasıw shólkemlestirildi.

Ushırasıwǵa Qaraqalpaqstan xalıq jazıwshısı, Berdaq atındaǵı sıylıqtıń laueriatı , Doslıq ordeniniń iyesi Muratbay Nızanov mıymanda boldı. Sonday-aq, jazıwshımızdıń izbasarları Qaraqalpaqstan Respublikasına miyneti sińgen jurnalist, Qaraqalpaqstan Jazıwshılar awqamınıń aǵzası Perdegúl Xojamuratova, “Qaraqalpaqstan jasları ‘ gazetasınıń redaktor orınbasarı ,”Shuxrat ‘ medalınıń iyesi Arıwxan Turekeevalar qatnastı.

Ushırasıwdı mektep direktorı T.Qallıqılıchova ashıp berdi hám jıynalǵanlarǵa mıymanlardı tanıstırıp òtti. Soń qaharmanımız oqıwshılarımızǵa óziniń basıp ótken jolı, jetiskenlikleri, miynetleri boyınsha aytıp berdi. Bunnan soń jazıwshınıń shákirtleri P.Xojamuratova hám A.Turekeevalar sózge shıǵıp M.Nızanov boyınsha bir qansha bahalı maǵlıwmatlar berip ótti. Ushırasıwǵa dóretiwshi oqıwshılarımız tárepinen tayarlanǵan hár tùrli janrdaǵı kòrinisler qoyıp berildi. Ushırasıw barısında oqıwshılarımız ózleriniń qızıqtırǵan sorawlarına juwaplar aldı. Ushırasıw sońında jazıwshı M.Nızanov oqıwshılarǵa óz kitapların sawǵa etti.

Shomanay rayonı hákimlegi málimleme xızmeti.