Shomanay rayonı Ádillik bólimi Mámleketlik xızmetler orayında Shomanay rayonı xalıq bilimlendiriw bólimine qaraslı 7-sanlı ulıwma bilim beriw mektepleri oqıwshıları ushın “Ashıq esikler” kúni ótkerildi.

Ótkerilgen ilaj barısında mektep oqıwshıları Shomanay rayonı Ádillik bólimi, yuridikalıq xızmet kórsetiw orayı, mámleketlik xızmetler orayı, puqaralıq halatı aktın jazıw bólimleriniń jumıs processi , búgingi kúnde kórsetilip atırǵan xızmetler hám olardıń kórsetiliw tártibi, orayǵa kelgen puqaralarǵa jaratılǵan qolaylıqlar menen jaqınnan tanısıw múmkinshiligine iye boldı.
Sonıń menen birge, oqıwshı jaslarǵa ekskursiya dawamında orayda shólkemlestirilgen elektron gezek alıw, óz-ózine xizmet kórsetiw múyeshinde mámleketlik xızmetlerden ǵárezsiz paydalanıw hám oray xızmetkerlerine baha beriw qurulmaları menende tanıstırılıp ótildi.
“Ashıq esikler” kúni juwmaǵında bilimlendiriw tarawındaǵı nızamshılıqta ámelge asırılıp atırǵan reformalar, belgilengen jeńillikler, sonıń menen birge, jaslardıń keleshekte ádillik shólkemleri hám mákemelerinde jumısqa kirisiw ushın kerekli huqıqıy máslahátler prezentaciya formasında túsindirilip, nızamshılıqqa tiyisli tarqatpa materiallar tarqatıldı.
Iláj sońında juwapker xızmetkerler tárepinen oqıwshılarǵa ózleriniń qızıqtırǵan sorawları boyınsha biypul huqıqıy máslahátler de berildi.
Shomanay rayonı hákimligi málimleme xızmeti.