Ózbekstan Respublikası Ádillik ministriniń 2022-jıl 11-noyabrdegi 272-um-sanlı buyrıǵına tiykar puqaralardıń sud iskerligi menen baylanıslı máseleleri boyınsha hám de sud-protsessual tártipler haqqında huqıqıy túsindiriwler beriw, bul jaǵdaylar menen baylanıslı máselelerde huqıqıy kómek kórsetiw, puqaralardıń artıqsha áweregershiliginiń aldın alıw maqsetinde ádillik shólkemlerinde “Huqıqıy kómek aynası” iskerligin shólkemlestiriw belgilengen.

“Huqıqıy kómek aynasın” shólkemlestiriwde hám de xızmet kórsetiwinde tómendegiler názerde tutıladı:
1) “Huqıqıy kómek aynası” rayon (qala) ádillik bólimlerinde shólkemlestiriledi;
2) “Huqıqıy kómek aynası” tiyisli qánigeler tárepinen nızamshılıqtaǵı sud iskerligi menen baylanıslı hám de sud-protsessual tártipler haqqında puqaralarǵa awızsha huqıqıy túsindiriwler hám de máslahátlar beriw menen baylanıslı iskerlikti ámelge asıradı;
3) “Huqıqıy kómek aynası ” iskerligin shólkemlestiriw tómendegi principler tiykarında ámelge asıriladı: nızamlılıq; qalıslıq; sud shólkemleriniń iskerligine aralaspawl; byurokratizm hám sergizdanlıqqa jol qoyılmaw; korrupciyanıń aldın alıwǵa qarata tiyisli is-ilajlar ústinligi; jeke juwapkershilik.
4) “Huqıqıy kómek aynası”niń tiykarǵı maqseti puqaralarǵa huqıqıy kómek kórsetiliwin támiyinlew, sonıń menen birge, xalıqta sud shólkemlerine shaqırıq qılıwda ámeliy kónlikpelerdi qáliplestiriw hám rawajlandırıw hám de puqaralardıń huqıqıy sana-sezimine jáne huqıqıy mádeniyatın kóteriwge úles qosıwdan ibarat;
5) “Huqıqıy kómek aynası” óz iskerligin sud, mámleket basqarıwı shólkemleri, huqıq qorǵaw organları, advokatura hám de taǵı basqa shólkemler menen óz-ara sheriklikte ámelge asırıwı múmkin;
6 ) “Huqıqıy kómek aynası” óz iskerligin ámelge asırıwda tómendegi minnetlemelerge iye esaplanadı:
sud penen baylanıslı hám de sud-protsessual tártipdegi máseleler maydanınan huqıqıy túsinikler beriw maqsetinde puqaralardı belgilengen qabıl saatları sheńberinde qabıllaw;
puqaralarǵa huqıqıy túsindiriwler, máslahátlar beriw hám zárúriyatqa kóre huqıqıy járdemler kórsetiw; qalıslıqtı támiyinlew.
7) “Huqıqıy kómek aynası” óz iskerligin puqaralardıń jeke qabılı hám de aralıqtan (telefon arqalı) formada ámelge asıradı;
8) “Huqıqıy kómek aynası” tárepinen puqaralardı qabıllaw Qaraqalpaqstan Respublikası Ádillik ministrligi, wálayatlar hám Tashkent qala ádillik basqarmaları tárepinen tastıyıqlanǵan grafigine tiykar tiyisli jumıs kúnlerinde ámelge asırılıwı múmkin;
9) “Huqıqıy kómek aynası”na shaqırılǵan shaxslarǵa huqıqıy járdem kórsetiw nızamshılıqta belgilengen tiykarlarǵa kóre biykar etiliwi múmkin;
10) Shaqırılǵan shaxslarǵa olar menen sáwbet dawamında beriletuǵın huqıqıy túsinik hám máslahátler usınıslıq xarakterge iye esaplanadı;
Usı buyrıq atqarılıwın támiyinlew maqsetinde Shomanay rayonı ádillik bóliminde “Huqıqıy kómek aynası” iskerligi jolǵa qoyılıp jáne bul haqqında rayon hákimligi, rayondaǵı barlıq mekemeler ımaratlarında daǵazalar jaylastırılıp, puqaralar qabıl etilip, huqıqıy máslahátlar berilmekte.

Maǵlıwmat ushın: Mánzil – Shomanay rayonı Baxıtlı kóshesi, 23 úy.
Móljel – Mámleket xızmetler orayı imáratı.