Búgingi kúnde isbilermenlikti qollap-quwatlaw hám rawajlandırıw, xalıqtıń isbilermenlik iskerligi menen shuǵıllanıwı ushın barlıq zárúr sharayatlar jaratıw, bul baǵdardaǵı mashqalalar menen kemshiliklerdi saplastırıw boyınsha bir qatar ilajlar ámelge asırılmaqta.

Sol qatarı Shomanay rayonı Ádillik bólimi mámleketlik xızmetler orayı xızmetkerleri tárepinen Ózbekstan Respublikası ministrler kabinetiniń 2019-jıl 30-iyul kúngi «Avtomobil transportında jolawshılardı qalada, qala átirapında, qalalararalıq, sonıń menen júklerdi xalıqaralıq jónelisler boyınsha tasıw iskerligin licenziyalaw boyınsha mámleketlik xızmetler kórsetiwdiń hákimshilik reglamentin tastıyıqlaw haqqında» ǵı 636-sanlı qararına muwapıq Shomanay rayonında xızmet kórsetip atırǵan “ORLANDO KLASTER” juwapkershiligi sheklengen jámiyetine tiyisli júk tasıwshı avtomobiline júklerdi xalıqaralıq jónelislerde tasıw huqıqın beriwshi licenziya hám licenziya kartochkası alınıp, isbilermennıń qımbatlı waqıtın tejew maqsetinde aparıp berildi.
Puqaralar búgin oraylarımız tárepinen kórsetilip atırǵan bunday xızmetlerden sheksiz minnetdar.

Búgin azat hám abat jurtımızda jasap, hár qashanǵıdanda kóbirek kúsh-jiger, ǵayrat penen islep xalqımızǵa elede qolaylı hám sapalı xızmet kórsetiwde, elimizdiń bunnanda gúllep jasnawına óz úleslerimizdi qosıwdı dawam etemiz.

Shomanay rayonı Ádillik bólimi Mámleketlik xızmetler orayı.