2022-jıl 29-iyun kúni Ózbekstan Respublikası Prezidentiniń «Máhellelerde sociallıq xızmetlerdi kórsetiw hám sociallıq qorǵawǵa mútáj shańaraqlarǵa járdem beriw sistemasın jańa basqıshqa kóteriwde hayal-qızlardıń kásipke úyreniw jumısların jáne de jedellestiriw is-ilajları haqqında»ǵı PQ-300-sanlı qararı qabıl etilgen edi. Qararda máhellelerde sociallıq mashqalalardı anıqlaw hám sheshiw jumısların kompleks shólkemlestiriw, sociallıq qorǵawǵa mútáj xalıqqa «shańaraqpay» islesiw sistemasın engiziw, kórsetilip atırǵan sociallıq xızmetlerdiń sanı hám sapasın asırıw, buǵan juwapker bolǵan ministrlik hám shólkemlerdiń juwapkerligin kúsheytiw hám de hayal-qızlardı kásipke oqıtıw sistemasın jáne de jedellestiriw maqsetinde, 2022-jıl 1-iyuldan baslap máhellelerde kompleks islesiw tiykarında sociallıq xızmetlerdi shólkemlestiriw sisteması basqıshpa-basqısh engizilip, máhellelerdegi hayal-qızlar belsendilerine hár-bir shańaraq jaǵdayın úyrenip, shańaraqlardaǵı haqıyqıy jaǵday hám sociallıq xızmetlerge bolǵan mútajlikti anıqlaw wazıypası júkletilgen edi.

Sol múnásibet penen Qaraqalpaqstan Respublikası Shańaraq hám hayal-qızlar komiteti baslıǵı M.Axmedova tárepinen qarardıń orınlanıwı boyınsha jıynalıs ótkerilip, rayonlıq bólim hám de puqaralar jıyınlarında alıp barılǵan jumıslar qatań sınǵa alındı. Sonday-aq, Ózbekstan Respublikası Prezidentiniń 24-aprel kúngi “Kasanashılıqtı rawajlandırıwı tiykarında xalıqtıń bántligin támiyinlew boyınsha qosımsha is-ilajlar haqqında”ǵı PQ-214 qararı boyınsha túsindirildi.

Shomanay rayonı hákimligi málimleme xızmeti.