Mámleketlimizde insán qádir-qımbatı, ásirese, nágiranlıǵı bolǵan shaxslar máseleleri hár dayım dıqqat-itibarda bolıp, olardıń huqıq hám máplerin qorǵaw boyınsha bir qatar is-ilájlar ámelge asırılmaqta.

Ásirese, keyingi jıllarda mámleketimiz Prezidenti tárepinen bul másele boyınsha áhimiyetli qarar hám pármanlar qabıl qılınbaqta.
Bársheńizge belgili «Xalqımızǵa mámleketlik xızmetler kѳrsetiwdiń milliy sistemasın túpten reformalaw is-ilájları haqqında» ǵı 5278-sanlı pármanına muwapıq qala hám rayonlardaǵı ádillik bólimleriniń mámleketlik xızmetler orayları tárepinen puqaralarǵa úzliksiz mámleketlik xızmetler kórsetiw menen bir qatarda, orayǵa keliw imkániyatı bolmaǵan, nágiranlıǵı bolǵan puqaralarǵada mámleketlik xızmetler kóshpeli túrde kórsetip kelinbekte.
Atap aytqanda Shomanay rayonı Ádillik bólimi mámleketlik xızmetler orayı xızmetkerleri tárepinen orayǵa keliw imkániyatı bolmaǵan «Taza bazar» MPJ aymaǵında jasawshı puqaranıń shańaraǵında bolıp ol puqaranı Ózbekstan Respublikası Ministrler kabinetiniń 2021-jıl 28-aprel kúngi «Sociallıq qorǵawǵa mútaj ayrım taypadaǵı puqaralarǵa pensiya tayınlaw boyınsha mámleketlik xızmetler kórsetiwdiń hákimshilik reglamentin tastıyıqlaw tuwrısında»ǵı 248-sanlı qararı menen nágiranlıq pensiya tayınlaw boyınsha múrájatı ornında qabıllanıp unamlı sheshimin taptı.

Shomanay rayonı Ádillik bólimi mámleketlik xızmetler orayı bólimi baslıǵı AKBAR ORAZBAYEV