Sessiyada rayon 4 sektor basshıları, rayonnan saylanǵan Joqarǵı Keńes deputatı, siyasiy partiya wákilleri, hákim orınbasarları, tiyisli mákeme hám shólkem basshıları, puqaralar jıyınları baslıqları hám ǵalaba xabar quralları wákilleri qatnastı.

Sessiya kún tártibinde tómendegi máseleler qoyıldı.
1. Ózbekstan Respublikası Prezidenti Sh.M.Mirziyoevtiń 2022-jıl 23-24-fevral kúnleri Qarakalpaqstan Respublikasına saparı dawamında berilgen tapsırmalar hám 25-fevral kúni ótkerilgen 16-sanlı jıynalıs bayanındaǵı tapsırmalardıń Shomanay rayonında orınlanıwın támiyinlew boyınsha «Jol kartası» tiykarında ámelge asırılǵan jumıslar haqqında.
2. Ózbekstan Respublikası Ministrler Kabinetiniń 2022-jıl 4-apreldegi «2022-2026-jıllarda Qaraqalpaqstan Respublikası aymaqların kompleks sociallıq-ekonomikalıq rawajlandırıw hám xalıqtıń turmıs dárejesin jánede jaqsılawǵa tiyisli qosımsha is-ilájlar haqqında»ǵı 155-sanlı qararınıń Shomanay rayonında orınlanıwı tuwralı.
3. Qaraqalpaqstan Respublikası Joqarǵı Keńesiniń 2022-jıl 20-sentyabrdegi «Shomanay rayonında mámleketlik baǵdarlamalar tiykarında belgilengen wazıypalardıń orınlanıwın támiyinlew hám xalıqtı qıynap kiyatırǵan mashqalalardı saplastırıw ilájları haqqında»ǵı
18-sanlı jıynalıs bayanındaǵı tapsırmalardıń orınlanıwı tuwralı.
4. Shomanay rayonındaǵı 4-sanlı ulıwma orta bilim beriw mektebi direktorı lawazımına talabanlardıń ulıwma orta bilim beriw mektebiniń kórsetkishlerin kelesi 3 jılda joqarı dárejege alıp shıǵıw boyınsha baǵdarlamaları haqqında.
5. Jámiyetshilik pikiri tiykarında qáliplestirilip, jeńimpaz dep tabılǵan usınıslarǵa «Puqaralar baslaması qorı» qarjıları esabınan qarjı ajıratıw haqqında.
6. Awıl xojalıǵına mólsherlengen jer maydanlarınan nátiyjeli paydalanıw maqsetinde rayon hákimliginiń awısıq jer qorı esabındaǵı jer maydanların awıl xojalıǵı kárxanalarına maqsetli paydalanıwı ushın ashıq elektron tańlawǵa shıǵarıw boyınsha usınılǵan joybarlardı tastıyıqlaw haqqında.
7. Ózbekstan “Máhálle” qayırqomlıq jámáát qorı Shomanay rayonı bólimshesi janındaǵı “Saqawat hám kómek” qorı qarjıların sarıplaw tuwralı.
Shomanay rayonı hákimligi málimleme xızmeti