Búgin Shomanay rayonı 13-sanlı balalar muzika hám kórkem-óner mektebinde Qaraqalpaqstan Respublikası Ministrler Keńesi Baslıǵınıń orınbasarı Rasul Zarikeev basshılıǵında puqaralar qabıllawı ótkerildi.

Qabıllawǵa Qaraqalpaqstan Respublikası Mámleketlik salıq inspekciyası baslıǵı orınbasarı U.Aliev, Ózbekstan Respublikası Prezidentiniń Shomanay rayonındaǵı Xalıq qabıllawxanası baslıǵı I.Abdiraxmanov, rayon hákiminiń birinshi orınbasarı A.Qaljanov hám sektor baslıqları menen tiyisli taraw basshıları qatnastı.
Qabıllaw dawamında puqaralardan túrli taraw máseleler boyınsha múrájatler kelip tústi.
Puqaralar tárepinen bildirilgen múrájatler Qaraqalpaqstan Respublikası Ministrler Keńesi Baslıǵınıń orınbasarı Rasul Zarikeev tárepinen qadaǵalawǵa alınıp, taraw basshılarına tapsırmalar berildi.

Shomanay rayonı hákimligi Málimleme xızmeti