Shomanay rayonı hákimligi kishi májilisler zalında Ózbekstan Respublikası Prezidentiniń 2022-jıl 25-oktyabrdegi «Jámiyetshilik pikiri tiykarında qáliplestiriletuǵın joybarlardı qarjılandırıw kólemin keńeyttiriw is-ilajları haqqında»ǵı PQ-409-sanlı qararı boyınsha seminar ótkerildi.

Seminarda Shomanay rayonı hákiminiń birinshi orınbasarı A.Qaljanov, rayonlıq Qarjı bólimi baslıǵı B.Jarılqaǵanov, Máhálle hám nuranıylardı qollap-quwatlaw bólimi baslıǵı B.Jumataev hám tiyisli taraw wákilleri qatnastı.

Seminarda rayon byudjetleri qarjıları sheńberinde jámiyetshilik pikiri tiykarında «Ashıq byudjet» málimleme portalı arqalı ilajlardı qáliplestiriw hám olarǵa dawıs beriw processiniń birinshi máwsimi – hár jılı fevral-mart aylarında, ekinshi máwsimi hár jılı iyun-iyul aylarında, sonday-aq, «Abat awıl» hám «Abat máhálle» dástúrleri sheńberinde jámiyetshilik pikiri tiykarında «Ashıq byudjet» málimleme portalı arqalı keyingi jıl ushın ilajlardı qáliplestiriw hám olarǵa dawıs beriw processi – hár jılı noyabr-dekabr aylarında ótkeriletuǵınlıǵı boyınsha maǵlıwmatlar berildi.

Shomanay rayonı hákimliginiń Málimleme xızmeti