Búgin Shomanay rayonı Sarmanbaykól awıl puqaralar jıyını aymaǵında jasıl mákan ulıwma milliy joybarı sheńberindegi «áhmiyetli 40 kún» akciyası dawamında miyweli hám dekorativ terek nállerin egiw boyınsha seminar bolıp ótti.
Seminarǵa Shomanay rayonı hákimi B.Yangibaev, hákim orınbasarları, mákeme-shѳlkem basshılırı hám awıl turǵınları qatnastı.

Seminarda terek nállerin egiwdiń abzallıqları, tábiyatqa hám insanlar salamatlıǵına jaqsı tásiri haqqında aytıp ótti. Sonday-aq, miywe hám terek nállerin egiwde agrotexnologiyalıq qaǵıydalarǵa say egiliwi boyınshada maǵlıwmatlar berip ótti hám barlıq awıl turǵınların akciyada belsene qatnasıwǵa shaqırıp qaldı.
Soń akciya qatnasıwshıları menen birgelikte puqaralar jıyını imáratı átirapın kóklemzarlastırıw hám jasıl baǵ jaratıw maqsetinde júzim, tut hám terek nálleri otırǵızıldı.
Shomanay rayonı hákimligi Málimleme xızmeti