Búgin Qanlıkól rayonında «Jasıl mákan» ulıwma milliy joybarı sheńberinde dekorativ hám miyweli terek nálleri egiletuǵın orınlarda topıraqqa islew beriw ushın kompost hám biogumus tayarlaw usılları boyınsha respublika aymaqlıq ámeliy-kórgizbeli seminar bolıp ótti.

Seminarǵa Moynaq, Qońırat, Shomanay hám Qanlıkól rayonları hákimleri, sektor basshıları, tiyisli shólkemler basshıları qatnastı.
Seminarda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev alda turǵan wazıypalar haqqında tusinikler berdi. Qaraqalpaqstan awıl xojalıǵı agrotexnologiyalar institutı professor oqıtıwshıları tárepinen topıraqqa islew beriw ushın kompost hám biogumus tayarlaw texnologiyası ámelde kórsetildi.

Shomanay rayonı hákimliginiń Málimleme xızmeti.