Búgin Shomanay rayonı hákimliginde Ózbekstan Respublikası Oliy Májlisi Senatınıń otız úshinshi jalpı májilisinde maqullanǵan nızamlar hám kórip shıǵılǵan basqa máseleler boyınsha xalıqtıń arasında úgit-násiyat alıp barıwǵa baǵıshlanǵan ushırasıw bolıp ótti.

Ushırasıwdı rayon hákimi B.Yangibaev ashtı hám alıp bardı. Ushırasıwǵa Ózbekstan Respublikası Oliy Májlisi Senatı aǵzası, Senator U.Jalmenov, rayonnan saylanǵan Qaraqalpaqstan Respublikası Joqarǵı Keńesi hám de xalıq deputatları Shomanay rayonlıq Keńesi deputatları, hákim orınbasarları, siyasiy partiya wákilleri, tiyisli mekeme hám shólkem basshıları, ǵalaba xabar quralları wákilleri qatnastı. Ushırasıwda senator U.Jalmenov sózge shıǵıp Senattıń otız úshinshi jalpı májilisinde kórip shıǵılǵan máseleler boyınsha ushırasıw qatnasıwshılarına keń túsinik berdi hám rayonlıq Keńes deputatları tárepinen xalıq arasında Senatta maqullanǵan nızamlardıń mazmunı hám áhmiyetin túsindiriwge baǵıshlanǵan úgit-násiyat ilájların shólkemlestiriw zárúrligi haqqında aytıp ótti.

Shomanay rayonı hákimligi málimleme xızmeti.