Házirgi dáwirde zaman talabına say, puqaralar hám isbilermenlik subektlerine keń imkániyatlar jaratıw maqsetinde, olardıń waqıtların tejew, artıqsha byurokratiyalıq tosqınlıqlarg‘a ushırawın boldırmaw, júzege keletug‘ın uzınnan-uzın náwbetlerdiń aldın alıw maqsetinde Húkimetimiz tárepinen birqansha Párman hám qararlar qabıl etilmekte.

Usınday qararlardıń biri Ózbekstan Respublikası Ministrler Kabinetiniń 2022-jıl 30-avgust kúngi «Ózbekstan Respublikasında fizikalıq shaxslardı identifikaciyalawdıń mobil-ID sistemasın engiziw is-ilajları tuwrısında»ǵı qararı qabıl etildi.
Qararg‘a kóre, 2022 jıl 1 avgusttan baslap Mámleketlik xızmetlerden paydalanıw ushın shaxstı identifikaciyalawdıń ámeldegi sistema hám qurallarına qosımsha túrde fizikalıq shaxstı identifikaciyalawdıń Mobil-ID sisteması engizildi.
Sol múnasebet penen Shomanay rayonı Ádillik bólimi Mámleketlik xızmetler orayı qániygeleri tárepinen rayon aymaǵında xızmet kórsetiwshi wákillikli uyımlarınıń xizmetkerlerin shaxsdı identifikaciyalawdıń Mobil-ID sistemasınan kóshpeli tártipe dizimnen ótkerildi.

Shomanay rayonı hákimligi málimleme xızmeti.