15-oktyabr Xalıqaralıq awıl hayalları kúni múnásibeti menen Shomanay rayonı 13-sanlı Balalar muzıka hám kórkem-óner mektebinde bayram keshesi bolıp otti.
Bayramda rayon aymaǵındaǵı ónerment hayallar, fermerler, pillekeshler, qıytak jer hám túrli kásip iyeleri bolǵan hayal-qızlar tárepinen tayarlanǵan kórgizbeler menen baslandı.

Bayram keshesine rayon hákimi B.Yangibaev, rayon prokurorı M.Orazbaev, Ishki isler bólimi baslıǵı U.Xudaybergenov, awıl hám mákan puqaralar jıyınlarındaǵı hayal-qızlar, nuranıy analar qatnastı.
Bayram keshesin rayon hákimi B.Yangibaev qutlıqlaw sózi menen ashıp berdi.
Awıl hayal-qızları búgingi kúni xalıq xojalıǵınıń hár qıylı tarawlarında jemisli miynet etip, ǵárezsiz mámleketimizdiń gúllep-rawajlanıwına ózleriniń salmaqlı úleslerin qosıp kelmekte hám hayal-qızlarımızdıń jemisli miynetleri mámleketimiz tárepinen joqarı bahalanıp kiyatır.
Olardan,  2 “Doslıq” ordeni,
12 si «Shuhrat» medali, 1 hayal-qız “Ózbekstan Respublikası Xalıq oqıtıwshısı”, 3 hayal-qızlar “Ózbekstanda xızmet kórsetken jaslar ustazı”, 1 hayal-qız  II dárejeli «Soǵlom avlod uchun» ordeni, 3 hayal-qızlar «Mehnat shuhrati» ordeni, 1 hayal-qız «Fidokorona xızmatlari uchun» ordeni, 1 hayal-qız “Ózbekstan Respublikasında xızmet kórsetken densawlıqtı saqlaw xızmetkeri”, 1 hayal-qız “Mahalla iftixori” kókirek nıshanı iyesi bolsa, 4 hayal “Mutabar ayol”, 6 hayal-qız “Mehir saqawat”, 1 hayal-qız “Watan pidayisi”, 1 hayal-qız “Úmit ushqını” kókirek nıshanları menen sıylıqlandı.
Bayram keshesinde bir-qatar xayal-qızlar rayon hákiminiń “Húrmet jarlıǵı” hám qımbat bahalı estelik sawǵaları menen sıylıqlandı. Bayram keshesine jıynalǵanlar ushın rayonlıq mádeniyat bolimi tárepinen tayarlanǵan koncert baǵdarlaması qoyıp berildi.

Shomanay rayonı hákimligi málimleme xızmeti.