Mámleketimizde barlıq tarawlarda keń kólemli jumıslar ámelge asırılmaqta. Awıl xojalıǵında eginlerden mol hám sapalı ónim alıw, jónelisiniń social-texnikalıq bazasın bekkemlew, zamanagóy texnikalar menen támiynlewge qatań itibar qaratılmaqta. Ámelge  asırılǵan  jumıslar  nátiyjeside 2022-jıl yanvar-avgust aylarında kórsetkishler kóleminiń ótken jıldıń usı dáwirine tiykar bir qatar  nátiyjege eriskenligin kóremiz.

Shomanay rayonında, 2022-jıldıń yanvar-avgust aylarında islep-shıǵarıw  tarawında 87,9 mlrd.sumdı qurap, 2021-jıldıń usı dáwirine tiykar 103,2 payızǵa, qurılıs tarawında 24,0 mlrd.sum, ótken jıldıń usı dáwirine salıstırǵanda 107,0 payızǵa, sawda-satıq tarawında 85,9 mlrd.sumdı qurap, ótken jıldıń usı dáwirine salıstırǵanda 104,6 payızǵa, xızmet kórsetiw tarawında 66140,2 mln.sumdı qurap, ótken jıldıń usı dáwirine salıstırǵanda 110,8 payızdı quraǵan. Rayonımızdıń xalıqtıń jan basına salıstırǵanda islep shıǵarıw tarawı 153,4 mıń.sum, qurılıs tarawı 41,8 mıń.sum, sawda-satıq tarawı 149,9 mıń.sum, xızmet kórsetiw tarawı 115,4 mıń.sumnan tuwra keletuǵınlıǵın kóriwimiz múmkin.

Mámleketimiz ekonomikasınıń negizgi kórsetkishlerinen biri bolǵan kishi biznes hám jeke isbilermenlikti rawajlandırıw, puqaralardı isbilermenlikke keńnen tartıw olar ushın sharayatlar jaratıw mikrofirma hám kishi kárxanalarda bántligi támiyinlenbegen jaslardı jumıs penen támiyinlew boyınsha rayonımızda keń kólemli jumıslar ámelge asırılmaqta.

Buǵan mısal retinde alatuǵın bolsaq usı jıldıń 1-sentyabr halatına rayonımız aymaǵında 429 xojalıq júritiwshi subektler mámleketlik dizimge alındı. Sonnan kishi biznes subektleri 414di quraydı. Al dizimge alınǵan kishi biznes subektlerinen hárekette turǵanı 418 subekt bolıp, házirgi kúnde sapalı xızmetlerin kórsetpekte.

Rayonlıq statistika bólimi tárepinen jańadan ashılǵan isbilermenlik subektlerine mámleketimiz tárepinen berilip atırǵan jeńilliklerdi qolaylıqlardı statistika bólimine tapsıratuǵın esabatlar múddetleri hár aydıń birinshi aqırǵı juma kúnleri seminarlarda, sonday-aq birinshi hám aqırǵı juma kúnleri turaqlı túrde ótkeriletuǵın “Ashıq esikler” kúnlerinde keń túrde túsinik jumısları alıp barılmaqta.

Shomanay rayonı hákimligi málimleme xızmeti