Dúnya júzinde hesh bir mámleket ayrıqsha jaǵdaylardan tolıǵı menen kepillenbegen. Sebebi, tábiiy apatlar máwsim, waqıt tańlamaydı hám onı basqarıpta bolmaydı.

Búgingi kúnde dúnyanıń ayrım mámleketlerinde jer silkiniwler bolsa, basqa mámleketlerde sel hám suw tasqınları júz bermekte. Nátiyjede kópshilik mámleketler tábiiy apatlardan jábir shekpekte hám mámleketler ekonomikasına keri tásirin tiygizbekte. Sonlıqtan dúnya júzindegi iri masshtabtaǵı tábiiy apatlardıń saplastırıw nátiyjesi sonı kórsetedi, olardıń aqıbetin jumsartıwdıń birden-bir sheshimim, xalıqtı tábiiy apatlar waqtında tuwrı háreket etiwge tayarlaw bolıp tabıladı.
Sonday eken, ayrıqsha jaǵdaylar júz bergende ásirese, tábiiy apatlarda tuwrı háreket etiwge, onnan qorǵanıw qaǵıydaların hár bir insan ózine jaslıqtan ózlestiriw lazım.
Mámleketimizde hár jılı “Xalıq aralıq tábiiy apatlar qáwipin kemeyttiriw kúni” keń túrde belgilenip kelinbekte.
Respublikamız maydanınıń kópshilik bólegi seysmik aymaq ekenligin, jer silkiniw, sel hám suw tasqınları, topıraq hám qar kóshkileri menen baylanıslı bolǵan tábiiy apatlar júz beriwi itimallıǵın esapqa alıp, bizden bul máselege keskin itibar qaratıwdı, hár dayım sergek bolıwdı talap etedi.

Shomanay rayonı Ayrıqsha jaǵdaylar bólimi