Búgin Shomanay rayonı hákimligi aldında ayrıqsha jaǵdaylardıń aldın alıw boyınsha tiyisli taraw wákilleri qatnasında gúz-qıs máwsimi dawamında júz beriwi múmkin bolǵan ayrıqsha jaǵdaylardıń aldın alıw hám puqaralardıń qáwipsizligin támiyinlew maqsetinde túsinik jumısları alıp barıldı.

Bunda Shomanay rayonı hákimi B.Yangibaev, Shomanay rayonı Ayrıqsha jaǵdaylar bólimi baslıǵı A.Atamuratovlar qatnasıp, júz beriwi múmkin bolǵan jaǵdaylardıń aldın alıw, gaz, elektr hám de basqada úsenelerden kelip shıǵıwshı apatlardıń aldın alıwda shѳlkemleskenlik penen birge islesiw hám de turaqlı túrde qadaǵalap turıw boyınsha túsinikler berip ótti.

Soń “Qarabaylı” mákan puqaralar jıyını aymaǵında kóp qabatlı turaq jaylarda jasawshı puqaralardıń qatnasıwında kórgizbeli seminar ótkerildi. Seminar dawamında tiyisli taraw qániygeleri tárepinen turaq jaylarda kelip shıǵıwı múmkin bolǵan órtlerdiń, puqaralardıń gazden záhárleniwiniń aldın alıw boyınsha keń túrde túsinikler berildi.

Shomanay rayonı hákimligi málimleme xızmeti