Assalawma aleykum, Húrmetli salıq tólewshiler!
Xabarıńız bar usı jıldıń 16-mart kúni húrmetli Prezidentimizdiń Mámleketlik salıq komitetine saparı dawamında salıq sistemasın saplastırıw, salıq tólewshilerge xızmet kórsetiw sapasın joqarılatıw, «Salıqshı kómekshi» principi tiykarinda isbilermenlik subektleri menen tuwrıdan-tuwrı sóylesiw, olarda dus kelip atırǵan mashqalalardı úyreniw boyınsha bir qatar tapsırmalar bergen edi.
«Salıqshı kómekshi» sistemasınıń mazmunı sonnan ibarat, eń aldı menen biz endi jumıs baslap atırǵan isbilermenge birinshi qádeminen, oǵan qaysı salıq rejimi qolay hám paydalı ekenligin tańlap beriwimiz zárúr.

Onnan keyin bolsa, biznes subektleriniń «jasap ketiwi», yaǵnıy háreketsiz kárxanalardı qayta tiklewge, buxgalteriyasın júritiw, esabatların toltırıwı hám tapsırılıwı, qullası qanday mashqalası bolsa, sheship beriw boyınsha járdem beriwge tiykarǵı itibar qaratıladı.
Shomanay rayonı mámleketlik salıq inspekciyası III sherek dawamında 5138 mlrd.sum reje belgilengen bolıp, belgilengen prognoz kórsetkishi 5230,7 mlrd.sum bolıp reje 101,8 payızǵa orınlandı.
Sentyabr ayı dawamında salıq tólewshiler tárepinen 2 mlrd 503,7 mln.sum salıq tólenilip, belgilengen prognoz kórsetkishi 2 mlrd 277,3 mln.sum bolıp reje 91 payızǵa orınlandı.
Búgingi kúnde, tarawımızda qansha salıq nızamshılıǵın buzıw anıqlandı hám qosımsha salıq esaplandı, dep isbilermendi jazalawǵa emes, kerisinshe salıq nızamshılıǵı buzılıwı qansheli dárejede kemeygenligi hám artıqsha qárejetlerden saqlap qalıwǵa, qansha úles qosılǵanlıǵına qarap belgilenedi.
Haqıyqatında salıq xızmetkeri eń aldı menen, jańa jumıs baslap atırǵan isbilermenge, birinshi qádeminen oǵan qaysı salıq rejimi qolay hám paydalı ekenligin tańlap beriwimiz zárúr. Sonnan keyin bolsa, biznes subektleriniń «jasap ketiwi», yaǵnıy háreketsiz kárxanalardı qayta tiklewine kómek beriw, buxgalteriyasın júritiwi, esabatların toltırıw hám tapsırılıwı, qullası, qanday mashqalası bolsa sheship beriw boyınsha xızmet kѳrsetiwge tiykarǵı itibar qaratıwımız lazım.
Búgingi qıyın sharayatta mánzilli islewdi, hár bir isbilermen jumısına onıń qıyınshılıq hám mashqalaların túsingen halda kѳmekshi bolıwdı talap etedi.
Usı jıldıń 9 ayı dawamında “Salıq birge islesiwshi” dástúri arqalı Shomanay rayonında iskerlik alıp barıp atırǵan isbilermenlik subektleri menen baylanıslı salıq huqıqbuzarlıqlar haqqında jámi 20 múrájat kelip tústi. Olarda kóshpeli salıq tekseriwleri ótkerilip, sawda qaǵıydaları buzılǵanlıǵı tastıyıqlandı.
Isbilermenlik xızmetin endi baslap atırǵan hám de xızmeti dawamında qıyınshılıqqa dus kelgen isbilermenlik subektlerine «Salıqshı-isbilermenge kómekshi» principı tiykarında salıq shólkemleri tárepinen bir qansha jumıslar ámelge asırılıp kelinbekte.
«Salıqshı-isbilermenge kómekshi» principı sheńberinde Shomanay rayonındaǵı 45 isbilermenge kómeklesiw zárúrligi anıqlandı.
Sonnan, kómeklesiw zárúr bolǵan isbilermenlik subektleriniń 40 jaǵdayda dáslepki buxgalteriyalıq esabatların júritiwdi túsindiriw, 31 jaǵdayda salıq qarızdarlıǵı boyınsha maǵlıwmatnama beriw, 9 jaǵdayda salıq rejimin tańlawǵa kómeklesiw, 18 jaǵdayda salıq jeńillikleri hám olardı qollaw tártibin túsindiriw, 55 jaǵdayda jeke esap betinen nusqa beriw, 4 jaǵdayda 3580,7 mıń.sumlıq Aylanbadan alınatuǵın salıq boyınsha artıqsha tólemlerin qaytarıw, 7 jaǵdayda 10 985,4 mıń.sumlıq basqa salıq túrlerinen artıqsha tólem summaların qaytarıp beriw 6 jaǵdayda salıq qarızdarlıǵı múddetin uzayıttırıw, 25 jaǵdayda debitor qarızdarlıǵınan óndiriwge kómeklesiw hám 20 jaǵdayda basqa máseleler boyınsha mashqalaları sheship berildi.