Sessiyada rayon 4 sektor basshıları, rayon aymaǵınan saylanǵan Qaraqalpaqstan Respublikası Joqarǵı Keńes deputatı, hákim orınbasarları, tiyisli mákeme hám shólkem basshıları, puqaralar jıyınlarındaǵı hákim járdemshileri hám ǵalaba xabar quralları wákilleri qatnastı.

Sessiya kún tártibine tómendegi máseleler usınıldı:
1. Ózbekstan Respublikası Prezidentiniń 2022-jıl 31-avgusttaǵı «Qaraqalpaqstan Respublikasında isbilermenlik, innovaciyalıq texnologiyalar hám infrastrukturalardı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında»ǵı PP-213-sanlı Pármanında belgilengen wazıypalardıń orınlanıwın shólkemlestiriw haqqında.
2. Ózbekstan Respublikası Prezidentiniń Shomanay rayonındaǵı Xalıq qabıllawxanası tárepinen 2022-jıldıń ótken 9 ayı dawamında alıp barılǵan jumısları haqqında.
3. Shomanay rayonı ádillik bólimi tárepinen 2022-jıldıń ótken 9 ayı dawamında ámelge asırılǵan jumısları haqqında.
4. Shomanay rayonında hayal-qızlardı hár tárepleme qollap-quwatlaw, olardıń jámiyettegi belsendiligin asırıw hám hayal-qızlardıń mashqalaların sheshiw boyınsha kórilip atırǵan ilajlar haqqında rayon hákiminiń orınbasarı-Shańaraq hám hayal-qızlar bólimi baslıǵınıń esabatı tuwralı.
5. Ózbekstan Respublikası Prezidentiniń 2022-jıl 5-maydaǵı Qıstawlı medicinalıq járdem xızmeti iskerligin jetilistiriw is-ilajlarına baǵıshlap, keńeytirilgen tárizde ótkerilgen videoselektor jıynalısnıń 38-sanlı bayanınıń 15-bántinde belgilengen wazıypalardıń Shomanay rayonında orınlanıwı haqqında.

Sessiya kún tártibindegi máseleler Xalıq deputatları rayonlıq Keńesi deputatları tárepinen dodalanıp, dawısqa qoyıldı hám tiyisli tártipte sheshim qabıl etildi.
Shomanay rayonı hákimligi málimleme xızmeti