BMSH Bas Assambleyasınıń 2007-jıl 18-dekabr sánesindegi “Awıl aymaqlarında hayallardıń jaǵdayın jaqsılaw” tuwrısındaǵı rezolyuciyasına tiykar 15-oktyabr Xalıq aralıq awıl hayalları kúni dep jariyalanǵan.

Hazirgi kúnde elimizde awıl aymaqlarında jasawshı hayallardıń máselelerine itibar qaratıwǵa, atap aytqanda, olardıń tálim alıwı, miynet etiwi, párawan turmıs keshiriwi ushın zárúr shárt-shárayatlar jaratıw, basım hám zorlıqtan qorǵaw, gender teńlikti támiyinlew boyınsha kóplegen jumıslar amelge asırılmaqta. Shomanay rayonı shańaraq hám hayal-qızlar bólimi tárepinen 15-oktyabr-xalıq aralıq Awıl hayalları kúni múnásibeti menen “Kók korabl kapitanları- Biziń maqtanıshımız” atamasında ilajlar shólkemlestirildi.
Ilaj dawamında rayonda traktor aydap, awıl xojalıǵı hám elimiz ekonomikasına óz úlesin qosqan házirgi kúnde húrmetli dem alısta otırǵan pensioner analar qatnasıp, traktor basqarıp jarıstı.
Ilajda Sarmanbaykól APJ aymaǵında jasawshı Kók korabl kapitanları Sapargúl Umirbekova, Genjexan Bekbergenova, Sapargúl Yakupovalar qatnastı.
Ilaj dawamında rayonlıq Shańaraq hám hayal-qızlar bólimi tárepinen bul analardıń úylerine barıp jasaw jaǵdayları menen tanıstı.
Ilajǵa qatnasqan nuranıy anaxanlar búgingi kúnde elimizdegi jańalanıwlar haqqında tolqınlanıp sóz júriter eken, ózleri miynet etken waqıttaǵı mashaqatları haqqında aytıp ótti.
Sonday-aq, búgingi kúnde Prezidentimiz tárepinen hayal-qızlarǵa, ásirese awıl hayal-qızlarına bolǵan itibarı hám ǵamxorlıǵınan minnetdar ekenliklerin bildirdi.
Shomanay rayonı hákimligi málimleme xızmeti.
@shomanay_rayon