Búgingi kúnde insan máplerin támiyinlew, xalıq penen ashıq sáwbet qılıw, olardın’ arzıw-niyetleri hám ómirlik máseleleriniń unamlı sheshim tabıwına úlken itibar berilmekte.

Usı maqsette, Shomanay rayonı Ádillik bólimi Mámleketlik xızmetler orayı tárepinen rayon aymaǵınan 30 km uzaqlıqta jaylasqan, “Begjap” APJ Kók suw elatlı punkti №25-sanlı orta bilim beriw mektebinde jaylasqan 6-sanlı mektepke shekemgi bilimlendiriw shólkemine qaraslı balalardı mektepke shekemgi qısqa múddetli tayarlaw toparına jaylastırıw boyınsha 32 arzalar kóshpeli túrde kórsetildi.
Ótkerilgen kóshpeli qabılawda awıl turǵınlarına mektepge shekem tálim shólkemleri hám ulıwma bilim beriw mekteplerinde “balahuquqlari.uz” huqıqıy informaciyalıq portalınan balalar hám jaslardıń keń paydalanıwın shólkemlestiriw hám oqıw processlerinde bul portaldan nátiyjeli paydalanıw boyınsha túsindiriw jumısları alıp barıldı.
Bir sóz benen aytqanda, xalıq penen birge bolıw, olardıń dárti, táshwishi menen jasaw,xalqımızdıń awırın jeńil, alısın jaqın qılıw tarawımızdıń eń baslı maqseti bolıp,onıń ámelge asıwı mámleketimiz rawajlanıwına, puqaralarımızdıń párawan turmıs keshiriwin támiyinlewge xızmet qıları sózsiz, ábette. Búgin puqaralardı qıynap atırǵan bunday másele hám kemshilikler taraw xızmetkerleri tárepinen orınlarǵa shıqqan halda úyrenilip, járdem kórsetilip atırǵanlıǵınan júdá quwanıshta.

Shomanay rayonı Ádillik bólimi Mámleketlik xızmetler orayı bólimi basliǵı AKBAR ORAZBAYEV