Shomanay rayonı hákimliginiń májilisler zalında Qaraqalpaqstan Respublikası Joqarǵı Keńesi Baslıǵınıń orınbasarı A.Dáwletovtıń basshılıǵında májilis bolıp ótti.

Májiliske rayon hákimi B.Yangibaev, Ózbekstan Respublikası Oliy Májlisi Senatı aǵzası, senator U.Jalmenov, Qaraqalpaqstan Respublikası Joqarǵı Keńesi hám rayonlıq Keńes deputatları, sektor basshıları, rayon hákiminiń orınbasarları hám puqaralar jıyınlarındaǵı hákim járdemshileri qatnastı.
Májiliste Ózbekstan Respublikası Prezidentiniń 2022-jıl 31-avgust kúngi «Qaraqalpaqstan Respublikasında isbilermenlik, innovaciyalıq texnologiyalar hám infrastrukturalardı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilájları haqqında»ǵı PP-213-sanlı Pármanınıń mazmunı hám áhmiyeti túsindirildi.
Májlis sońında Qaraqalpaqstan Respublikası Joqarǵı Keńesi Baslıǵınıń orınbasarı A.Dáwletov tárepinen Qaraqalpaqstan Respublikasında Prezident Pármanınan kelip shıǵıp isbilermenlik, awıl xojalıǵı tarawı, sanaat óndirisi hám infrastrukturanı rawajlandırıw, xalıqtı sociallıq jaqtan qorǵaw, bilimlendiriwdi rawajlandırıw hám jaslardı qollap-quwatlaw boyınsha ámelge asırılıwı zárúr bolǵan keń kólemli jumıslar boyınsha úgit-násiyat ilajların ele de kúsheytiw zárúrligi, sonıń menen birge Pármanda belgilengen wazıypalardıń orınlanıwın támiyinlew boyınsha ózleriniń «Jol karta»ların islep shıǵıwı hám orınlanıwın qadaǵalawǵa alıwı kerekligi haqqında atap ótildi.
@shomanay_rayon