Búgingi kúnde Mámleketlik xızmetler orayları arqalı xalıqqa bir qatar qolaylıqlar jaratılıp kelinbekte. Atap aytqanda fizikalıq hám yuridikalıq shaxslardıń mákemeler-ara áweregershiligi hám artıqsha waqıt jumsawlarına shek qoyıldı.

Endilikte puqaralar emes, bálki hújjetler háreketleniwi tiykarǵı kriterya retinde belgilendi.
Kórsetilip atırǵan mámleketlik xızmetlerdiń sanı jıldan jılǵa asıp barmaqta. Bul óz gezeginde xalqımızda usı xızmetlerge degen talaptıń da artıp barıwı hám oraylarǵa keliwshi puqaralar sanınıń keskin túrde kóbeyiwine alıp kelmekte.
Puqaralardıń alısın-jaqın qılıw, xalqımızdıń mámleketlik organlarına bolǵan isenimin aqlaw hám xalıqtıń alǵısın alıwdı maqset etken Shomanay rayonı Ádillik bólimi Mámleketlik xızmetler orayı xızmetkerleri Shomanay rayonı medicina birlespesinde bolıp ol jerde islewshi xızmetkerlerge mámleketlik xızmetler kóshpeli tártipte kórsetildi.
Taraw xızmetkerlerine kóshpeli xızmetler barısında narkologiya boyınsha dispanser esabında turıwı yamasa turmaslıǵı hám ruhıy kesellikler boyınsha dispanser esabında turıwı yamasa túrmaslıǵı tuwrısında maǵlıwmatnamalar alıw xızmetleri kóshpeli tártipte kórsetildi.

Shomanay rayonı hákiimligi málimleme xızmeti.