Húrmetli Prezidentimiz tárepinen 2022-jıldıń 26-avgust kúni Qaraqalpaqstan Respublikasına saparı dawamında  «Qaraqalpaqstan Respublikasın kompleks sociallıq-ekonomikalıq rawajlandırıw boyınsha belgilengen Prezident Pármanları, Qararları hám baǵdarlamalardıń orınlanıwı hám de jıl juwmaǵına shekem ámelge asırılıwı belgilengen wazıypalardan kelip shıǵıp, 15-20-sentyabr kúnleri xalıq deputatları jergilikli Keńeslerinde sektor baslıqlarınıń esabatların esitiw» tapsırması berilgen edi.

Usı múnásibet penen, búgin Shomanay rayonı hákimi, 1-sektor baslıǵı B.Yangibaevtıń “Aymaqlardı kompleks sociallıq-ekonomikalıq rawajlandırıw boyınsha 2022-jıldıń  ótken dáwiri dawamında ámelge asırǵan jumısları hám de jıl juwmaǵına shekem ámelge asırılıwı belgilengen wazıypalar tuwralı esabatı tıńlandı.
Soń 1-sektor aymaǵına qarawshı awıl hám mákan puqaralar jıyınları baslıǵı, hákim járdemshisi, hayal-qızlar belsendisi hám jaslar jetekshileri qosımsha sózge shıqtı.
Soń 1-sektor esabatı deputatlar tárepinen dodalanıp, dawıs beriw jolı menen tiyisli sheshim qabıl etildi.

Shomanay rayonı hákimligi málimleme xızmeti