Shomanay rayonı Ádillik bólimi Mámleketlik xızmetler orayı xızmetkerleri tárepinen rayon orayınan 22 km uzaqlıqta jaylasqan Begjap awıl puqaralar jıyını aymaǵında “Ózimiz keldik” joybarı tiykarında puqaralarǵa keń qolaylıqlar jaratıw hámde olardıń artıqsha áweregershilikleriniń aldın alıw maqsetinde kóshpeli tárizde mámleketlik xızmetler kórsetildi.

Atap aytqanda sudlanbaǵanlıq (yamasa sudlanǵanlıq) tuwrısında maǵlıwmat alıw, narkologiya boyınsha dispanser esabında turıwı yamasa túrmaslıǵı tuwrısında maǵlıwmat alıw, ruhiy kesellikler boyınsha dispanser esabında turıwı yamasa túrmaslıǵı tuwrısında maǵlıwmat alıw, mektepke shekemgi bilimlendiriw shólkemine náwbetke qoyıw hám elektron sanlı qoltańba alıw xızmetleri kóshpeli tártipte kórsetildi.
Sonday-aq Oray xızmetkerleri tárepinen aymaq turǵınlarına «Birden bir interaktiv mámleketlik xızmetler portalı (my.gov.uz) sistemasınan paydalanıw tártibi» boyınshada túsinik jumısları alıp barıldı.
Shomanay rayonı Ádillik bólimi
Mámleketlik xızmetler orayı bólimi baslıǵı A.Orazbaev