Búgin Shomanay rayonındaǵı «Agro Shumanay klaster» JShJ hám «Eko testil» JShJ lerinde usı jılǵı jetistirilgen paxta zúráátin qabıl etiw baslandı. Paxta qabıllaw ilajına rayon hákimi B.Yangibaev, sektor baslıqları, klasterler menen fermer xojalıqlar baslıqları qatnastı.

Eń birinshilerden bolıp paxta tapsırǵan fermer xojalıqları rayon hákimi hám sektor baslıqları tárepinen sıylıqlandı.
Rayonda paxtadan mol zúráát jetistiriw ushın barlıq qolaylı sharayatlar jaratılıp, zárúrli materiallıq resurslar óz múddetlerinde jetkerilip berilmekte. Bıyılǵı jılı zúráát ushın fermer hám paxta toqımashılıq klasterleri tárepinen egilgen 5200 gektar ǵawasha maydanlarınan jámi 12000 tonna paxta jetistiriw boyınsha shártnamalar dúzilgen. Sonday-aq paxta jıyın-terim máwsimin shólkemleskenlik penen ótkeriw maqsetinde 85 otryadlar dúzilip, olarǵa 6674 terimshiler qamtıp alınǵan. Sonnan: 2487 klasterler hám fermer xojalıqlar isshileri hám 4187 jámlespegen xalıqtı quraydı.

Shomanaylı dıyxan-fermer xojalıqları usı máwsimde ayanbay xızmet etip Respublikada birinshilerden bolıp rejeni orınlanıwına isenemiz.

Shomanay rayonı hákimligi málimleme xızmeti.