2022-jıl yanvar-iyul aylarında Shomanay rayonında
sociallıq-ekonomikalıq kórsetkishleri haqqında.

Mámleketimizde barlıq tarawlarda keń kólemli jumıslar ámalge asırılmaqta. Awıl xojalıǵında eginlerden mol hám sapalı ónim alıw, jónelisiniń social-texnikalıq bazasın bekkemlew, zamanagóy texnikalar menen támiyinlewge qatań itibar qaratılmaqta. Ámelge asırılǵan jumıslar nátiyjesinde 2022-jıl yanvar-iyul aylarında kórsetkishler kóleminiń ótken jıldıń usı dáwirine tiykar bir qatar nátiyjege eriskenligin kóremiz.
Shomanay rayonında, 2022-jıldıń yanvar-iyul aylarında islep-shıǵarıw  tarawında  87,9  mlrd.sumdı qurap, 2021-jıldıń usı dáwirine tiykar 103,2 payızǵa, qurılıs tarawında 24,0 mlrd.sum, ótken jıldıń usı dáwirine salıstırǵanda 107,0 payızǵa,  sawda-satıq tarawında  85,9 mlrd.sumdı  qurap, ótken jıldıń usı dáwirine salıstırǵanda 104,6 payızǵa, xızmet kórsetiw tarawında 66140,2 mln.sumdı qurap, ótken jıldıń usı dáwirine salıstırǵanda 110,8 payızdı quraǵan.
Rayonımızdıń xalıqtıń jan basına salıstırǵanda islep shıǵarıw tarawı  153,4 mıń.sum, qurılıs tarawı 41,8 mıń.sum, sawda-satıq tarawı 149,9 mıń.sum, xızmet kórsetiw tarawı 115,4 mıń.sumnan tuwra keletuǵınlıǵın kóriwimiz múmkin.

Shomanay rayonı statistika bólimi baslıǵı B.Xojantaev