Jańa 2022-2023-oqıw jılı baslandı

Búgin Shomanay rayonı Nawrız mákan puqaralar jıyını aymaǵındaǵı 16-sanlı ulıwma orta bilim beriw mektebinde jańa oqıw jılı baslanıwı múnásibeti menen bayram keshesi ótkerildi.

Bunda Shomanay rayonı hákimi B.Yangibaev oqıw jılınıń baslanıwı menen barlıq oqıtıwshı hám oqıwshılardı qutlıqladı. Soń birinshi klas oqıwshılarına Prezident sawǵası mektep quralların saltanatlı tapsırdı.

Sonday-aq, Xalıq deputatları Shomanay rayonlıq Keńesi baslıǵı, rayon hákimi B.Yangibaev “Qaraqalpaqstan Respublikasında isbilermenlikti, innovacion texnologiyalar hám infrastrukturalardı jedel rawajlandırıw arqalı xalıq abadanlıǵın asırıwdıń qosımsha is-ilajları haqqında”ǵı 2022-jıl 31-avgust kúngi PP-213-sanlı Pármanınıń mazmun hám mánisi haqqında xalıq arasında úgit-násiyat qılıw maqsetinde hám de sol mekteptiń 8-klas oqıwshılarına «Jańa Ózbekstanda el áziz, insan áziz» atamasında Ǵárezsizlik sabaǵın ótti.
Ǵárezsizlik sabaǵı dawamında mámleketimizde ámelge asrılıp atırǵan reformalar, puqaralarǵa jaratılıp atırǵan imkániyatlar ásirese sonıń ishinde jaslarǵa qaratılǵan jeńillikler boyınsha keń túrde túsinik berip ótti.

Sabaq barısında oqıwshılar ózlerin qızıqtırǵan sorawların berip, juwaplar aldı.
Saltanatlı bilim bayramı rayon boylap dawam etpekte.

Shomanay rayonı hákimligi málimleme xızmeti