Ózbekstan Respublikası Prezidentiniń 2018-jıl 13-apreldegi PQ-3666-sanlı qararı menen tastıyıqlanǵan “Ózbekstan Respublikası  Ádillik ministrligi haqqında”ǵı Rejege tiykar fizikalıq hám yuridikalıq shaxslardıń óz huqıqları, erkinlikleri hám nızamlı mápleriniń buzılǵanlıǵı haqqındaǵı múrájatlerin kórip shıǵıw ádillik bólimleriniń tiykarǵı wazıypalarınan biri etip belgilep berilgen.

Bul wazıypalardı ámelge asırıw dawamında, 2022-jıldıń ótken I yarım jıllıǵında Shomanay rayonı ádillik bóliminiń múrájatler menen islesiw tarawında bir-qansha unamlı jumıslar ámelge asırıldı yaǵnıy 140 tan aslam puqaralardıń múrájatleri qabıllanıp, tiyisli tártipte úyrenip shıǵıldı hám bul úyreniwler nátiyjesinde múrájatlerdiń 80 payızınıń qanaatlanıwına erisildi.

Atap aytqanda, Shomanay rayonı Begjap awıl puqaralar jıyınında jasawshı puqara R.Matimovanıń 25 jıldan berli sheshilmey kiyatırǵan mashqalası Shomanay rayonı ádillik bólimine múrájat etiw nátiyjesinde óz sheshimin tawdı, yaǵnıy múrájat iyesiniń 1995, 2000, 2001 hám 2006 jıllarda qaytıs bolǵan 4 perzentinıń ólim gúwalıqları itibarsızlıq aqıbetinde rásmiylestirilmey qalıp ketken hám búgingi kúnge kelip bul hújjetlerge mútájlik payda bolıp, mekeme hám shólkemlerge bir-neshe márte múrájat etedi lekin, mashqalasına sheshim taba almaǵansoń, nátiyjede Shomanay rayonı ádillik bólimine kelip múrájat etip, bul múrájat tiyisli tártipte úyrenip shıǵıldı hám ádillik bólimi tárepinen Puqaralıq isleri boyınsha sudına arza kiritilip, sud biyligi menen múrájat iyesiniń qaytıs bolǵan perzentleriniń ólim faktleri tastıyıqlap berildi, sonday-aq bul sud biylikleri tiykarında Shomanay rayonı ádillik bóliminiń PHAJ bólimi tárepinen tiyisli ólim gúwalıqları rásmiylestirilip, múrájat iyesiniń jasaw mánziline barǵan halda tapsırıldı.

Shomanay rayonı ádillik bólimi baslıǵı Kannazarov Erkinbay Óserbay ulı