Ózbekstan Respublikası Prezidentiniń 2022-jıl 30-apreldegi “Ishki turizm xızmetlerin diversifikaciyalawǵa baylanıslı qosımsha ilajlar haqqında”ǵı PQ-232-sanlı qararı menen tastıyqlanǵan “Ishki turizmdi diversifikaciyalaw baǵdarlaması”nda respublikadaǵı hár bir aymaqtıń turistlik potencialın tolıq kórsetip beriwshi turistlik kartaların (Guidebook) islep shıǵıw, baspadan shıǵarıw hám biypul tarqatıw wazıypaları belgilengen. Joqarıdaǵı wazıypalardıń orınlanıwın támiynlew maqsetinde Qaraqalpaqstan Respublikası Joqarǵı Keńesiniń baslaması menen Qaraqalpaqstan Respublikası turizm hám mádeniy miyras ministrligi hám de Ózbekstan Respublikasınıń Ullı Britaniyadaǵı turizm boyınsha elshisi Sofi Ibbotson menen birgelikte “Bradt Travel Guides” basılımında Qaraqalpaqstan boyınsha qollanba tayarlaw joybarı islep shıǵılmaqta.

Joqarıdaǵılardı inabatqa alǵan xalda, “Bradt Travel Guides”tıń Qaraqalpaqstan Respublikası boyınsha qollanbasın tayarlaw maqsetide usı jıldıń avgust-sentyabr aylarında Ullı Britaniya ǴXQ wákilleri Sofi Ibbotson hám Stefani Adamstıń dóretiwshilik saparı rejelestirilgen.

23-avgust kúni Ullı Britaniyalı jurnalist Stefani Adams Qaraqalpaqstan Respublikasına keldi. Sapar dawamında Turizm hám mádeniy miyras ministrligi hám Qaraqalpaqstan Respublikası Mádeniy miyras basqarması menen birgelikte respublikamızdıń turistlik obektleri hámde dıqqatqa ılayıqlı orınlarına press-tur shólkemlestirilmekte. Atap aytqanda, shet elli miyman I.V.Savickiy atındaǵı mámleketlik kórkem-óner muzeyi, Qaraqalpaqstan Respublikası tariyxı hám mádeniyatı mámleketlik muzeyi, jas xudojnik Baxtiyar Serekeev hám onıń ákesi, Qaraqalpaqstan xalıq xudojnigi Bazarbay Serekeevtiń úy-galereyası, sonıń menen birge, Shımbay rayonındaǵı milliy ónermentler hám basqa da dıqqatqa ılayıqlı orınları menen jaqınnan tanıstı.

Shımbay rayonı hám Shomanay rayonındaǵı milliy ónermentler hám basqa da dıqqatqa ılayıqlı orınları menen jaqınnan tanıstı.
Jurnalist Stefani Adams Shomanay rayonındaǵı ónermentler mektebinde ónerment hayal Altınay Náwbetova menen sáwbetlesti hám qol ónerleri menen jaqınnan tanısıp shıqtı.

Shomanay rayonı hákimligi málimleme xızmeti.
@shomanay_rayon