Májiliske Shomanay rayonı hákimi orınbasarı, shańaraq hám hayal-qızlır bólimi baslıǵı G.Temirxanova, Qaraqalpaqstan Respublikası Mektepke shekemgi bilimlendiriw ministrligi xızmetkeri A.Reymovler qatnastı.

Ózbekstan Respublikası Prezidentiniń 2022-2026-jıllarǵa mólsherlengen “Jańa Ózbekstannıń rawajlanıw strategiyası haqqında”ǵı qararında mektepke shekemgi bilimlendiriw tarawına tiyisli maqsetlerdi ámelge asırıw boyınsha bólimniń “Jol kartası” islep shıǵılǵan bolıp, jol karta boyınsha búgingi kúnde Shomanay rayonında islep turǵan jámi 10 mámleketlik, 24 shańaraqlıq, 1 mámleketlik jeke sherikshilik mektepke shekemgi bilimlendiriw shólkemleri jumsıların jetilistiriw hám de tarawǵa tiyisli basqada normativ xújjetlerge tiykar rayon aymaǵındaǵı 3752 mektepke shekemgi jastaǵı balalarımızdı sapalı mektepke shekemgi bilimlendiriwge qamtıp alıw jumısların jetilistiriw maqsetinde “Abat awıl” dástúri tiykarında «Aqjap» APJ aymaǵında 60 orınlı jańadan 12-sanlı mektepke shekemgi bilimlendiriw shólkemi hám «Birleshik» APJ aymaǵında Xorezm wálayatı byudjeti qarjıları esabınan 50 orınlıq mámleketlik mektepke shekemgi bilimlendiriw shólkemi qurılısı dawam etpekte, usı obektlerdi 2022-jıldıń 4-shereginde iske qosıw nátiyjesinde ulıwma mámleketlik mektepke shekemgi bilimlendiriw mákemeleri bolmaǵan aymaqlarımızdaǵı jámi 110 balalarımızdı sapalı mektepke shekemgi tálimge qamtıw imkaniyatları menen birge, usı aymaq turǵınlarınıń bántligin támiyinlew maqsetinde 20 jańa jumıs orınları ashıladı.

Sonıń menen birge mektepke shekemgi bilimlendiriw mákemeleri joq aymaqlarımızdan bolǵan «Nawrız» MPJ aymaǵında 120 orınlıq  “Shomanay keleshegi” MJSh mektepke shekemgi bilimlendiriw shólkemi hám 25 orınlıq JI “Bekbawlieva Bazarxan” shanaraqlıq  Mektepke shekemgi bilimlendiriw shólkemi «Aqjap» APJ aymaǵında quwatlılıǵı 25 orınlıq JI “Genjebaeva Sarbinaz” shańaraqlıq mektepke shekemgi bilimlendiriw shólkemlerine shártnamalar tastıyıqlanıp búgingi kúnde ashılıw aldında tur.

Shomanay rayonı hákimligi málimleme xızmeti

@shomanay_rayon