Forumnıń plenarlıq májilisine rayon hákimi B.Yangibaev, rayonlıq Xalıq bilimlendiriw bólimi baslıǵı O.Sultamuratov, barlıq mektep direktorları, ruwxıylıq hám aǵartıwshılıq isleri boyınsha direktor orınbasarları qatnastı.

Májilisti rayon hákimi B.Yangibaev ashıp berdi hám barlıq pedagog xızmetkerlerdi shın kewilden qutlıqladı. Bunnan soń, ótken oqıw jılında jaqsı kórsetkishlerge erisken, nátiyjeli miynetleri ushın bir qatar mektep direktorları hám direktor orınbasarları, atap aytqanda, 1-sanlı mektep direktorı Z.Allaniyazova, 7-sanlı mektep direktorı T.Kallıkılıchova, 31-sanlı mektep direktorı I.Qrıqbaev hám de 2-sanlı mektep direktorı orınbasarı S.Turdıshova, 15-sanlı mektep direktorı orınbasarı Z.Ziywatdinova, 21-sanlı mektep direktorı orınbasarı P.Qalmuratovlar rayon hákiminiń «Húrmet jarlıǵı» menen sıylıqlandı.

Sonday-aq, Ózbekstan Respublikası Ministrler Kabinetiniń 2021-jıl 9-sentyabrdegi 562-sanlı qararı menen tastıyıqlanǵan Rejege tiykar Prezident sawǵası ushın «Shet tillerdi oqıtıw boyınsha eń jaqsı mektep» tańlawınıń rayonlıq basqıshında jeńimpaz bolǵan mekteptiń muǵallimleri hám olardıń oqıwshıları jámi 112 mln. 500 mıń swm muǵdarında aqshalay sıylıqlandı.

2022-2023-oqıw jılında bólimge qaraslı ulıwma orta bilim beriw mekteplerine 885 oqıwshı 1-klassqa keliwi kútilmekte deydi sáwbette bolǵan Xalıq bilimlendiriw bólimi baslıǵı Ó.Sultamuratov

Shomanay rayonı hákimligi málimleme xızmeti

@shomanay_rayon