Ózbekstan Respublikasi Ministrler kabinetiniń 2020-jıl 31-dekabrdegi «Shańaraq institutin jáne de rawajlandırıw hám jaslardı shańaraqlıq turmısqa tayarlaw is-ilajları haqqında»ǵı 820-sanlı qararınıń orınlanıwın támiyinlew maqsetinde búgin Shomanay rayonında «Jaslardı shańaraqlıq turmısqa tayarlaw» orayında zamanagóy shańaraqtıń úlgili formasın hám de «Shańaraq — múqaddes», «Salamat shańaraq — salamat jámiyet», «Shańaraq — jámiyet hám mámleket qorǵawında» hám «Párawan shańaraq — jámiyet gúlleniwiniń tiykarı» kontseptual ideyaların nekeleniwshilerdiń sanasına sińirip barıw maqsetinde jas shańaraqlar oqıtıldı.

Seminarǵa rayon hákiminiń orınbasarı, Shańaraq hám hayal-qızlar bólimi baslıǵı G.Temirxanova, rayonlıq medicina birlespesi shıpakeri B.Mawlenov, PXAJ bólimi inspektorı P.Ibraymova, ruwxıy aǵartıwshılıq bólimi baslıǵı I.Allaniyazov, psixolog qánige M.Sarsenbaevalar qatnastı. Seminarda shańaraqlıq huqıqıy múnásibetler, shańaraqlıq turmıs psixologiyası, reproduktiv salamatlıq tiykarları, ata-analıq kónlikpeleri, ruwxıy – aǵartıwshılıq ilájları boyınsha túsinik berildi. Seminarda nekeleniwshi shańaraqlar qatnastırılıp, psixologiyalıq shınıǵıwlar járdeminde úgit násiyat jumısları alıp barıldı.

Shomanay rayonı hákimligi málimleme xızmeti.