Shomanay rayonı medicina birlespesiniń tájriybeli shıpakerleri Sarmanbaykól awıl puqaralar jıyını puqaraların medicinalıq kórikten ótkerdi.

Prezidentimizdiń baslaması menen Usı jıldan baslap Ózbekstan Respublikası Den-sawlıqtı saqlaw ministrligi tárepinen “Insan salamatlıǵı” uranı astında Respublika boylap xalıqqa medicinalıq xızmet kórsetiw akciyası bolıp ótpekte.
Usı baslama menen birge xalıqtıń salmatlıǵın medicinalıq baqlawǵa alıw hám nawqaslıǵı bar shaxslarǵa járdem kórsetiw rejelestirilgen.
Usı orında jıl basınan berli Shomanay rayonı Sarmanbaykól awıl puqaralar jıyını boyınsha 457ge shamalas awıl puqaraları sonnan 103 hayal-qızlar, 200 den aslam balalar medicinalıq kórikten ótkerilip tiyisli kórsetpeler berilgen. Atap aytqanda 12 nawqas rayon emlewxanasında, 4 puqaraǵa Respublika emlew profilaktika orınlarına emleniwge, 196 puqaraǵa tikkeley 58-shańaraqlıq poliklinikasında emleniwge biypul dári-darmaqlar tarqatılǵan.
Sonday-aq, 25 puqaranıń jasaw mánzillerine barıp emlewxana shıpakerleri Nevrapatolog A.Nurullaeva, Kardiolog N.Tursınbaeva, Xirurg R.Salieva, Nefrolog S.Adakaev, Onkolog A.Polvonov, UZI shıpakeri P.Esimbetovlar puqaralardı medicinalıq kórikten ótkerdi.