Usı jıldıń 8-avgust kúni «Monshaqlı» máhállesinde Shomanay rayonı hákimi orınbasarı, Shańaraq hám hayal-qızlar bólimi baslıǵı G.Temirxanova tárepinen ushırasıw ótkerildi.

Ushırasıwǵa máhálledegi «Hayallar másláhát keńesi» aǵzaları, kóshe bası anaxanlar hám máhálledegi hayal-qızlar qatnastı. G.Temirxanova mámlekette hayal-qızlardıń huqıq hám máplerin qorǵaw, olardıń sociallıq ham siyasiy belsendiligin asırıw, den-sawlıǵın qorǵaw, kásipke oqıtıw hám bántligin támiynlew, isbilermenlikke keńnen tartıw, járdemge mútáj hayal-qızlardı qollap-quwatlaw, gender teńlikti támiynlew boyınsha alıp barılıp atırǵan jumıslardı dawam ettiriw, sonday-aq, Birlesken Milletler Shólkemi Global kún tártibiniń Turaqlı rawajlanıw maqsetlerin ámelge asırıw maqsetinde qabıl etilgen 87 sanlı Párman hám 2022-2026 jıllarda hayal-qızlardıń mámlekettiń эkonomikalıq siyasıy hám sociallıq turmısınıń barlıq tarawlarında belsendiligin asırıw boyınsha Milliy baǵdarlama haqqında túsindirip ótti. Sonday-aq, Ózbekstan Respublikası Prezidentiniń 81 sanlı Pármanı hám 145,146 sanlı qararlar, usı qararlar boyınsha mámleketimizde hayal-qızlar ushın jaratılǵan imkaniyatlar menen tanıstırıp ótti. Máhálledegi hayal-qızlar belsendisi Sh.Yakupova tárepinen Párman xám qararlar orınlanıwı boyınsha máxalledegi ámelge asırılıp atırǵan jumıslar menen tanıstırıp ótildi. Ushırasıw juwmaǵında puqaralar ózlerin qızıqtırǵan sorawlarına juwaplar aldı.

Shomanay rayonı hákimligi málimleme xızmeti.