Elimizde jaslardı sportqa qızıqtırıw hám sporttı elede rawajlandırıw boyınsha kólemli jumıslar alıp barılmaqta.
Usınday tańlawlardıń shólkemlestiriliwi bolsa, sportshılardı óz ústinde elede shuǵıllanıwına túrtki boladı.

Usı jıldıń 25-28 iyul kúnleri aralıǵında Qazaqstan Respublikası Alma-ata qalasında sporttıń boks túri boyınsha 2005-2006, 2007-2008, 2009-2010 jılları tuwılǵan jas óspirimler arasında «Ruhaniy jańǵırıw» baǵdarlaması jónelisi boyınsha ashıq turniri bolıp ótti.
Ashıq turnirge Qaraqalpaqstan Respublikasınan Shomanay hám Shımbay rayonları Balalar óspirimler sport mektebiniń sporttıń boks túri menen shuǵıllanıwshı oqıwshı-sportshıları qatnasıp, olardan Asanov Aydos 38 kg salmaqta I orındı, Baqbergenov Asqar 52 kg salmaqta sıylı II orınlardı jeńip alǵan bolsa, Shımbay rayonınan Jańabaev Aqılbek, Genjebaev Asadbekler salmaqları boyınsha I orındı, Qosjeterov Baxram, Qayırjanov Nurlan, Xalmuratov Adilbek, Jańabev Hasılbekler sıylı III orınlardı jeńip alıwǵa miyassar boldı.
Sportshılarımızdı jeńisi menen qutlıqlaymız.
@shomanay_rayon