Búgingi kúnde Mámleketlik xızmetler orayları arqalı kórsetilip atırǵan mámleketlik xızmetler sanı jıldan jılǵa asıp barmaqta. Bul óz gezeginde xalqımızda usı xızmetlerge degen talaptıńda artıp barıwı hám oraylarǵa keliwshi puqaralar sanınıń keskin túrde kóbeyiwine alıp kelmekte.

Óz gezeginde puqaralardıń alısın-jaqın qılıw, xalqımızdıń mámleket organlarına bolģan isenimin aqlaw maqsetinde Shomanay rayonı Ádillik bólimi, Mámleketlik xızmetler orayı tárepinen alıs aymaqlarǵa shıqqan halda kóshpeli tártipte mámleketlik xızmetler kórsetiw turaqlı túrde alıp barılmaqta.

Sol qatarı rayon orayınan 40 km uzaqlıqta jaylasqan Diyxanabat APJ Maylıózek elatlı punktı aymaǵında jaylasqan 8-sanlı mektepke shekemgi bilimlendiriw shólkemine qaraslı «AQLVOY» mobil toparına balalardı baqshaǵa jaylastırıw boyınsha xızmetleri kóshpeli tárizde kórsetildi.

Akbar Orazbayev Shomanay rayonı Ádillik bólimi mámleketlik xizmetler orayı bólim baslıǵı