Respublikamızdıń medicinalıq járdemge mútáj puqaralarına ayrıqsha qolaylıqlar jaratıw maqsetinde usı jıldıń 27, 28-iyul kúnleri Densawlıqtı saqlaw ministrliginiń shólkemlestiriwinde «Insan salamatlıǵı» atamasında qayırqomlıq akciyası ótkeriledi.

Akciyada Qaraqalpaqstan Respublikası Densawlıqtı saqlaw ministrligi quramındaǵı, sonday-aq, Qaraqalpaq medicinalıq institutı Klinikası, Buxara hám Xorezm wálayatı densawlıqtı saqlaw basqarmalarınan medicinanıń barlıq tarawlarınan maman qánigeler qatnasadı.

Bunda puqaralarımız ózlerin qıynap júrgen kesellikleri boyınsha qánigelerden biypul medicinalıq konsultaciya hám járdemler alıwına boladı.

Sonlıqtan, respublikamız puqaraların, ásirese túrli sebepler menen medicinalıq járdem ala almay júrgen puqaralarımızdı «Insan salamatlıǵı» qayırqomlıq akciyasına belsendi qatnasıwǵa shaqırıp qalamız.

Akciya ótkeriletuǵın orın: Nókis qalasındaǵı 1-sanlı Balalar hám jas óspirimler sport mektebi (Manej).

Baǵdar: Oraylıq amfiteatr janında.

Baslanıw waqtı: saat 10:00.

Maǵlıwmat ushın telefon: (61) 222-00-48