Ózbekstan Respublikası Prezidentiniń 2021-jıl 11-mart kúngi «Bazar princplerine tiykarlanǵan ipoteka kreditlerin ajıratıw arqalı xalıqtı úy-jay menen támiyinlewge tiyisli qosımsha is-ilajlar haqqında»ǵı PP-6186-sanlı Pármanınıń 14-bánti orınlanıwın támiyinlew maqsetinde 2021-jılda Shomanay rayonınan kóp kvartiralı úy-jaylar qurılısı boyınsha rayon orayındaǵı «Mádeniyat» MPJ «Túrkistan» kóshesinen 1 dana 5 qabatlı 30 kvartiralı turaq jay qurılısı baslanǵan edi. Búgingi kúnge kelip qurılıs jumısları juwmaqlandı.

«Qilshoq qurilish invest» IK JShJ Qaraqalpaqstan Respublikası filialı buyırtpashı bolıp, «Chimboy inshoaat» jshj ti qurılıs jumısların ámelge asırdı. Ózbekstan Respublikası Ministrler Kabinetiniń 2018-jıl qabıl etilgen 285-sanlı qararına tiykar 10 hayal-qızlardı hám 737-sanlı qararǵa tiykar 5 hayal-qızlardı jámi 15 hayal-qızlarımızdı úy-jay menen támiyinlew boyınsha, baslanǵısh tólemleri mámleket tárepinen tólep berildi.

Shomanay rayonı hákimligi málimleme xızmeti
@shomanay_rayon