Ózbekstan Respublikası Prezidenti Sh. M. Mirziyoev basshılıǵında, 2022-jıl 15-iyun kúngi keńeytirilgen tárizde ótkerilgen videoselektor májilisinde belgilep berilgen tapsırmalar, yaǵnıy, jaslardı kásip-ónerge oqıtıw hám monooraylar xızmetin jetilistiriw, ulıwma orta bilim beriw, kásip-óner, joqarı oqıw ornı pitkeriwshileriniń bántligin támiyinlew maqsetinde Shomanay rayonı ulıwma orta bilim beriw mektepleri pitkeriwshi jasları menen ushırasıw ótkerildi.

Ushırasıwǵa Shomanay rayonı hákimi B.Yangibaev, hákim orınbasarı A.Qaypnazarov, Xalıq bilimlendiriw bólimi baslıǵı Ó.Sultamuratov, Xalıq bántligine kómeklesiw orayı direktorı Q.Qaymoldaev hám mektep direktorları menen pitkeriwshi jaslardıń ata-anaları qatnastı.
Shomanay rayonında jámi 33 ulıwma orta bilim beriw mektebi bar bolıp, 7553 oqıwshılarǵa 1110 tájiriybeli pedagog oıtıwshılar bilim berip kelmekte. 2021-2022-oqıw jılında 386 oqıwshı 11-klastı pitkermekte. Ushırasıwda pitkeriwshi jaslardıń bántligin támiyinlew boyınsha bir-qansha usınıslar hám pikirler aytıp ótildi.
Soń mektep pitkeriwshilerine saltanatlı medal tapsırıw máresimi ótkerildi.
Usı jılı ulıwma orta bilim beriw mektebin 9-oqıwshı altın, 5-oqıwshı gúmis medallar menen pitkerip, rayon hákimi B.Yangibaev tárepinen saltanatlı tapsırıldı hám pitkeriwshi jaslardıń ata-anaları hákimlik tárepinen minnetdarshılıq xatları menen sıylıqlandı.

Shomanay rayonı hákimligi málimleme xızmeti.