Shomanay rayon hákimliginiń májilisler zalında Ózbekstan Respublikası Prezidenti Adminstraciyası juwaplı xızmetkeri M.Isaev, Ózbekstan Respublikası mámleketlik komiteti bas qánigesi B.Xantoraev hám Qaraqalpaqstan respublikası Shańaraq hám hayal-qızlar komiteti bas qánigesi M.Turdımuratovalar basshılıǵında jıynalıs bolıp ótti.

Jıynalısta sektor basshıları, hákim orınbasarları, mákeme, kárxana hám shólkem basshıları, máhállerdegi hayal-qızlar belsendileri qatnastı.

Jıynalısta Prezidentimizdiń 2022-jıl 7-marttaǵı “Shańaraq hám hayal-qızlardı sistemalı qollap-quwatlawǵa tiyisli jumıslardı jáne de jetilistiriw is-ilajları haqqında”ǵı 87-sanlı Pármanınıń orınlanıwı boyınsha tiyisli mákeme, shólkem basshılarına birge islesiw boyınsha tapsırmalar berdi hám de máhálledegi háyal-qızlar belsendilerdiń tiykarǵı wazıypaları tuwralıda aytıp ótti.
Shomanay rayonı hákimligi málimleme xızmeti