Ózbekstan Respublikası Prezidentiniń 2021-jıl 13-apreldegi «Byudjet procesinde puqaralardıń belsendi qatnasıwın támiyinlew boyınsha qosımsha is-ilajları haqqında»ǵı PQ-5072-sanlı Qararına tiykar Ózbekstan Respublikası Finans Ministirligiń «Ashıq byudjet» málimleme portalı 2021-jıldan baslap iske túsirildi.

Bul portalda hár bir puqara 3 basqıshtan ibarat «Baslımalı byudjet» prcessinde qatnasıp ózleriniń jasap turǵan aymaǵındaǵı mashqala boyınsha usınıs kiritip, dawıs jıynaw jolı menen bul mashqalasına sheshim tabıw imkániyatı jaratıldı.

Sonı maqtanısh penen aytıwımız lazım, yaǵnıy bul processte qatnasıp mashqalanı sheshiwde bizler ushın jáne bir imkaniyat boldı deydi 4-Tashkent saylaw okruginen rayonlıq Keńes deputatı M.Esengeldiev.

Sebebi bul aymaqtan usı jıl basınan ishki jol máselesinde 4 múrájat kelip túsken bolıp, sonnan; 2 múrájat boyınsha Rayon hákimligine depuatatlıq sorawı shıǵarılǵan. Nátiyjede rayon hákimliginiń qollap-quwatlawı menen 2022-jılda ishki jollardı qurıw hám ońlaw boyınsha islengen Baǵdarlamalarǵa kiritilip búgingi kúnde aymaqtaǵı mashqala óz sheshimin tawıp puqaralar minnetdar bolmaqta.

Jáne ishki jol máselesindegi 2 múrájat boyınsha «Ashıq byudjet» málimleme portalında «Baslımalı byudjet» prcessinde usınıs penen qatnasıp, awıl turǵınlarınıń qollap-quwatlawı nátiyjesinde usınısımız eń kóp dawıs jıynaǵan usınıslar qatarında jeńimpaz dep tabıldı. Sol usınısılarmızdan biri «Gúlistan» awılındaǵı «Ustaz» kóshesindegi ishki joldı islew máselesi edi.

Awıl turǵınları menen birgelikte bul usınıstı qollap-quwatlap dawıs jıynadıq. Nátiyjede 386 dawıs jıynap biziń «Ustaz» kóshemiz boyınsha berilgen usınıs jeńimpazlar qatarında boldı.

Rayon jergilikli byudjetinen «Puqaralar baslaması qorı»na ajıratılǵan qarjılar esabınan 300 million qarjı ajıratılıp, búgingi kúnde «Ustaz» kóshesindegi ishki jol kórip turǵanıńızday qurılıs-ońlaw jumısları baslandı.

Shomanay rayonı hákimligi málimleme xızmeti