Mámleketlik xızmetlerden onlayn paydalanıwda jaratılǵan qolaylıqlar.
“Elektron húkimet” sistemasi hám elektron mámleket xızmetlerinen paydalanıw tártipleri boyınsha Shomanay rayonı Ádillik bólimi Mámleketlik xızmetler orayı imáratında media-tur shólkemlestirildi.
Bunda Respublika ruwxıy-aǵartıwshılıq orayı rayonlıq bólimi hám jurnalistler qatnasında mámleketlik xızmetler orayınıń jumısı, elektron xızmet kórsetiw barısı menen tanısıp shıqtı.

Búgingi kúnde Mámleketlik xızmetler orayları arqalı kórsetilip atırǵan xızmetler sanı jıldan jılǵa asıp barmaqta. Bul óz gezeginde xalqımızda usı xızmetlerge degen talaptıńda artıp barıwı hám oraylarǵa keliwshi puqaralar sanınıń keskin túrde kóbeyiwine alıp kelmekte.
«Elektron húkimet» sisteması arqalı mámleketlik xızmetlerden onlayn tárizde paydalanıw boyınsha rayon boylap jıl basınan berli 33 ulıwma bilim beriw mektep oqıwshı hám oqıtıwshıları, 16 mákeme hám shólkem xızmetkerleri, 13 awıl hám mákan puqaralar jıyınlarında máhelleler kesiminde jámlespegen jaslardı qamtıp alǵan halda oqıw seminarları ham ámeliy kórsetpeler tiykarında turaqlı túrde ótkerilip kelinbekte.
Bunnan tısqarı Shomanay rayonı Ádillik bólimi Mámleketlik xızmetler orayı imáratında mámleketlik xızmetlerden onlayn tárizde paydalanıw ushın puqaralarǵa qolaylıq jaratıw maqsetinde óz-ózine xızmet kórsetiw múyeshler shólkemlestirilgen bolıp barlıq qolaylıq jaratılǵan.
Ótkerilip atırǵan oqıw seminarları nátiyjesi sıpatında 2021-jıldıń usı dáwirine salıstırılǵanda mámleketlik xızmetlerden onlayn tárizde paydalanıwshılar sanı 2 esege artqanlıǵı 2022-jıldıń usı dáwirine kelip 400 den zıyat mámleketlik xızmetlerden onlayn tárizde paydalanılǵan.
Mámleketlik xızmetlerden onlayn tárizde paydalanıw ushın my.gov.uz sisteması arqalı dizimnen ótiw arqalı paydalanıwǵa boladı, onlayn tárizde xızmetlerden paydalanıw birinshiden waqtıńızdi tejese, ekinshiden kórsetiletuǵın xızmetlerde tóleniwi lazım bolǵan jıyımnan 10% shegirme beriledi deydi Shomanay rayonı Ádillik bólimi Mámleketlik xızmetler orayı direktorı B.Dawletmuratov

Shomanay rayonı hákimligi málimleme xızmeti.