Puqaralıq isleri boyınsha Qońırat rayonlar aralıq sudı baslıǵı E.Eshmuratov bashılıǵında Shomanay rayonı ádillik bólimi menen birgelikte Shomanay rayonı hayal-qızlar belsendileri menen “Erte nekeniń aldın alıw” máselesinde ushırasıw bolıp ótti.

Ushırasıw dawamında puqaralar menen tikkeley qatnasta bolıp, óz jumısların alıp barıp atırǵan hayal-qızlar belsendilerine Puqaralıq isleri boyınsha Qońırat rayonlar aralıq sudı baslıǵı E.Eshmuratov shańaraqlar ortasında ajırımlardıń asqanıǵı sebeplerinen biri bolǵan erte neke hám onıń aldın alıw máseleleri boyınsha toqtalıp huqıqıy jaqtan keńnen túsinikler berip ótti.
Ushırasıw barısında qatnasıwshılar ózlerin qızıqtırǵan sorawlarına juwaplar hámde sud hám ádillik bólimi xızmetkerleri tárepinen tiyisli huqıqıy másláhátler aldı.
Bunnan tısqarı qatnasıwshılar ózleriniń piker hám usınısların bildirip, ushırasıw erkin sáwbet kórinisinde bolıp ótti.

Shomanay rayonı hákimligi málimleme xızmeti.